Jaspis og Ametyst avmyndaðir Tollaksmessumorgun. Næsta ár halda bátarnir jól í Klaksvík. Stevnið á Ennibergi kemur undan vinstrumegin og brúgvin á Breiðanesi úr Hvalba undan høgrumegin. (Mynd Vagnur)

Síðani barnaárini havi eg havt áhuga í fiskivinnuni, og mest sum hvønn dag leitar tú oman á Vestaru bryggju at hyggja, um okkurt áhugavert er at síggja. Myndin broytist altíð. Tollaksmessumorgun kom eg til hugs um fýra trolarar, sum ikki longur koma at landa til landingarmiðstøðina Barðið. Stórur missur fyri arbeiðsplássið. Talan er fyrst um Eysturbúgvan, sum sakk og Vesturbúgvan, sum ikki er í vinnu. Eysturbúgvin bygdur í 1990 og Vesturbúgvin í 1991 á Tórshavnar Skipasmiðju. Læs resten →

Sámal og Kathrina Christiansen. Eg minnist tey sum tvey fitt og hugnalig fólk

Ein dagin stóð eg við Restorffs bryggjarí og hugdi oman Landavegin. Tá eg var smádrongur, var Landavegurin vánaligur grúsvegur við ongari gongubreyt. Húsini høgrumegin omaneftir stóðu mest sum kloss í vegin, og grundøkini vóru soleiðis skapað, at urtagarðurin var sunnanfyri húsini útímóti Ellisheiminum. Húsini nærmast á myndini niðanfyri eru húsini hjá abba og ommu bygd í 1902. Christian abbi og Sigrid omma fluttu úr Norðdepli til Havnar, og tað gjørdi Sámal beiggi Christian eisini tó nakað seinni. Sámal bygdi sær hús við Landaavegin í 1907, og í 1909 giftist hann við Kathrinu Mariu uppvaksin yvir á Krákusteini. Nøkur orð um hesi hugnaligu, siðiligu og fittu fólkini. Læs resten →

Fyrrverandi landsliðsmálverjin Hans Marius Mikkelsen, sum spældi ímóti Hetlandi í 1948. (Mynd Vagnur)

Tá eg í morgun kom fram á myndina niðanfyri av fótbóltslandsliðnum frá 1948, kom eg at hugsa um, at allir spælararnir á myndini eru farnir uttan HB málverjin Hans Marius Mikkelsen. 86 ára gamla málverjan kenni eg, men havi ikki sæð hann í fleiri ár. So eg út á Mikkjalstrøð í Grønlandi við myndini í hondini, har Hans Marius er uppvaksin og býr. Konan Lisa og Hans Marius vóru ógvuliga blíð, og tá eg smílandi segði míni ørindi, var hann klárur beinanvegin og mintist landsdystin ímóti Hetlendingum í 1948 í Gundadali, sum Føroyar vunnu 4-1. Mynd av landsliðnum frá 1948 sæst niðanfyri. (Greinin skrivað í 2015 – Hans Marius fór í 2017) Læs resten →

Ryggsbáturin uttast til vinstru, í miðjuni Húsabáturin og uttast til høgru Kirkjabáturin. (Mynd Bjarti Mohr)

Á vestanstevnu 2014 í Miðvági kom myndamaðurin hjá heimasíðuni fram á tríggjar vakrar grinda- og nótabátar niðri við sjóvarmálan. Húsabáturin smíðaður í 1937, Ryggsbáturin smíðaður í 1952 og Kikjabáturin smíðaður í 1967. Eg ringdi til Jógvan Hans Hansen formann í Miðvágs róðrarfelag, sum er ein teirra, sum hevur umvælt og varðveitt Húsabátin. Eisini hitti eg Dánjal Joensen, sum slóðar til tess at varðveita gomlu søguligu bátarnar. Áhugavert, at fólk leggja orku í at varðveita gamlar bátar. Fyri meg er altíð dragandi og forkunnugt at síggja hesar bátar. (Skrivað í 2014) Læs resten →

Forvitnislig mynd av sethúsum, sum máttu takast niður vegna ferðslutronga (Mynd Tjóðsavnið 3350FO1536)

Tá eg herfyri skrivaði greinina um Guttorm og Saru Eysturoy, lá forvitnislig mynd eftir á borðinum. Myndin er av húsunum hjá Mariu í Rættará (1883-1959) og Dia Mouritsen (1880-1918) róptur Dia í Barnastovu. Húsini eru áhugaverd, tí kommunan ynskti húsini tikin niður, tí tey stóðu ov nær vegnum. Húsini forðaðu fyri smidligari ferðslu út á Dronning Alexandrines hospital tikin í nýstlu í 1924.

Maria var sum fýra ára gomul komin til Havnar úr Skopun við ommusystir síni Kristiannu, sum hevði verið í Skopun og ferðast. Maria var verandi hjá Kristiannu og Jóannesi, sum búðu í Rættará. Tá Maria giftist Andriasi Mouritsen róptur Dia, bygdu tey hús við Fossin. Grundøkið fingu tey frá Jóannesi og Kristiannu, sum áttu trøðna har á leiðini. Húsini vóru bygd um aldaskiftið. Maria og Dia vóru foreldur at Johan Mouritsen giftur Jansy Mouritsen. Jonhard Mouritsen sonur Jansy og Johan sigur soleiðis: Læs resten →

Tróndur Patursson listamaður skal umvæla standmyndina. Her sæst hann í ánni í morgun.

Á lívsleiðini eru summir dagar betri enn aðrir. Í morgun var gott veður, og sólin er júst komin úr havsbrúnni. Leiðin gongur fram við Havnará frá Sjónleikarhúsinum og niðaneftir. Steðgaði á við standmyndina, sum Tróndur Patursson evnaði til í 1992. Vit, sum er góð við Havnará og Plantasjuna, hava illskast inn á kommununa, tí tey ikki hava fingið umvælt standmyndina, sum var satt prýði í ánni. Standmyndin hevur mist sítt vakra skinn vegna herverk og vantandi viðlíkahald. Gløs brotin, einki ljós og einki vatn spoyta á standmyndina. Og hetta líkist ongum. Læs resten →

Eldri mynd av húsunum hjá Guttormi og Saru. Minnist ikki húsini til vinstru, sum mugu vera tikin niður fyri mína tíð. Har standa nú stór hús, sum Johan og Jansy Mouritsen áttu, (Mynd: Tjóðsavnið 3350FO1563)

Steðgaði ein dagin í J.C. Svabos gøtu, har eg knappliga fór at minnast aftur á góðu barnaárini, tí har var so nógv virksemi í fleiri húsum. Í kjallaranum hjá Linu Arge byrjaðu Karbech Mouritsen brøðurnir Finnbjørn og Eyðun at selja máling. Hetta var í 1962. Skjótt gjørdist handilin ov lítil, og sum árini gingu, varð bygt upp í húsini hjá Linu Arge og seinni stórur málingahandil bygdur á horninum J.C. Svabos gøta/Landavegur. Læs resten →

Tað var Elisabeth “Diddan” Olsen úr Porkeri, kona Esmar Olsen formann í P/F “Kambur”, sum navngav línubátin. Her sæst Diddan saman við einari ommudóttir. (Mynd Gunnarsson)

Takkað verið Mashallhjálpina og tað, at Realkreditstovnurin var settur á stovn, kundu føroyingar endurnýggja fiskiflotan seinnapartin í 1950-árunum og fyrst í 1960 -árunum. Fyrstu stállínuskipini vórðu bygd í Noregi, og onnur nakað seinni í Fraklandi og Eysturtýsklandi (DDR). Vesturhavið blíða fyrsta stállínuskipið kom til Føroya 22. desember 1956. D.P. Højgaard eftirf. á Toftum lat skipið byggja. Tórshavnar Skipasmiðja bygdu timburskip, men vildi eisini taka á seg at byggja stállinuskip, tí fyrst í 1960- árunum kom eitt stállínuskip um mánaðin til Føroya. Kjartan Mohr og Olivur Holm fóru tí til Noregs at kanna, hvussu skipasmiðjurnar har løgdu arbeiðið til rættis. Eftir kanningarferðina vóru vónirnar góðar at byggja stállínuskip í Føroyum. Læs resten →

Skálakvinnur kappingarárið 1989/1990. Strandandi f.v: Suni Danielsen, venjari, Andrea Weihe, Tóra Joensen, Marjun Mikkelsen, Bjørg Mikkelsen og Eyðleyg Mikkelsen. Húknaid f.v: Sóleyg Mikkelsen, Katrin Petersen, Alma Joensen og Irena Olsen. (Mynd Vagnur)

Nógv áhugavert søguligt hondbóltstilfar er at skriva um, tað er bara at fáa tað gjørt. Í morgun blaðaði eg í nøkrum dystarbløðum, sum eg gjørdi til heimadystirnar hjá Neistanum kappingarárið 1990/1991. Og har kom eg fram á mynd av skálakvinnum, sum í Havn júst høvdu vunnið 15-9 á neistakvinnum. Skálaliðið var júst flutt úr næstbestu deildina í bestu deildina, og eingin hevði roknað við, at skálakvinnur kundu gera nakað við neistakvinnur, sum høvdu vunnið seinastu tólv meistaraheitini uttan tað eina í 1981. Yvirskriftin til greinina ljóðaði soleiðis: Skálasensatión í Havn Neístin-Skála 15-19 (9-6). Eg havi hitt Katrina Petersen, sum spældi á liðnum. Læs resten →

Oman Áarvegin og Havnará. Húsaskjøldurin vit sígga yvirav hjá Essaba er Áarstova. (Mynd Verjir yvir Havnarvág

Tá eg kom fram á myndina omanfyri í bókini “Verjir yvir Havnarvág”, kom eg at hugsa um Áarstovu, sum eg ikki minnist,  og sum uttan iva er tikin niður fyri mína tíð. Økið var eitt parkeringsøki, men nú er standmynd sett har til minnist um brøðurnar Janus og Hans Andrias Djurhuus. Á myndini síggja vit Cafe Natúr, sum vit róptu klædnahandilin hjá Essaba. Sunnanfyri Áarstovu kemur Hotel Djurhuus undan og niðast vinstrumegin minnist eg tey á Lag høvdu handil. Hvørt mansbarn kennist við nøvnini Janus og Hans Andrias Djurhuus, sum báðir høvdu serligar skaldagávur. Hanus Kamban hevur skrivað bøkur um teir báðar. Læs resten →