Fótbóltslandsliðið í 1961. St.f: Torstein Magnussen, B36, Pauli Nolsøe, TB, Brynjer Gregoriussen, HB, Eivind Dam, HB, Oddmar Færø, B36, Steinbjørn Jacobsen, KÍ, Magnus Kjælnes, KÍ og Arne Nolsøe, TB. Fremst f.v: Jákup Luth Joensen, HB, Peter Sigurd Rasmussen, HB og Tórður Holm, B36. (Mynd: Ásmundur Poulsen tók myndina í Gundadali)

Í eldri myndabók eigi eg landsliðsmynd frá 1961, sum Ásmundur Poulsen, sáli, tók. – Hví er henda myndin endað í míni myndabók, hugsaði eg. Jú, tá í tíðini kundi tú keypa ymsar myndir frá myndafólkum, sum vístu myndir fram í sýnisgluggum. – Sjálvandi vildu vit sum ellivu ára gamlir eiga mynd av landsliðsspælarum í fótbólti, sum vóru okkara stjørnur. Tá vóru eingi landslið í hondbólti, flogbólti ella øðrum ítróttagreinum. Eg ringdi tá til Peter Sigurd Rasmussen, sum er málmaðurin á landsliðsmyndini, og hann segði tá við heimasíðuna soleiðis: Læs resten →

Partur av húsunum sigst vera fyrsta bygda húsið í bygdini fyri 170 árunum síðani. (Mynd bókin)

Havi seinnu nógvu árini havt áhuga í bygdasøgum, sum eru skrivaðar nógvar um landið. Kom fram á forvitnisligu bókina Hellurnar – ein niðursetubygd, sum Helena Samuelsen skrivaði í 1999 í sambandi við, at bygdin fylti 150 ár.

Helena traðkaði sínu fyrstu barnaár á Hellunum, tá familjan so flutti til Fuglafjarðar. Eftir at bókin var lisin, gekk leiðin í vikuni til Hellurnar til tess at forvitnast, hvat tú hevði lisið um og sæð á nógvu frálíku myndunum í bókini. Hevði bara einaferð áður verið á Hellunum fyri nú nógvum árum síðani. Løtan á Hellunum gjørdist hugtakandi og áhugaverd. Læs resten →

Her eru nakrar troyttar, vátar og kendar neistamýs. (Mynd Vagnur)

Tórshavnar kommuna tók í 1989 stig til ein ruddingardag, sum umfataði allan býin. Ítróttafeløg og aðrir felagsskapir fingu sítt øki at rudda. Neistin skuldi rudda frá bilsøluni hjá P/F Wenzel Petersen við Oyggjarvegin og niðan um Hotel Føroyar. Læs resten →

Christian Holm Jacobsen tók frálíku myndina í 1958.

Steðgið júst á við myndina omanfyri, og tankarnir og minnini reika beinanvegin. Eri uppvaksin við Landavegin, og so skjótt tú fekst eygu á jólum 1949 og var smádrongur í 1950 – árunum, so víðkaðist sjónarringurin eisini oman í Vágsbotn. Minnist heilt væl júst myndina, tá Reynir, Tróndur ella Sigmundur lógu við bryggju í Vágsbotni. Rubek var avgreiðslumaðurin, sum vit øll kendu. Myndin er heilt serlig, tí vit síggjast ferðafólk og ymsar vørur hvørt um annað umborð á bátinum.

Har eru millum annað ferðafólk, ølkassar, oljutunnur, hegnsteyrar, mjólkadunkar, kolasekkir og annað á dekkinum. Í 1958 kundi tú ikki koyra til Vestmannar ella Kollafjarðar, tí oyggjarvegurin var ikki samanbundin fyrr á sumri 1966. Vit vitjaðu mangan í Kollafirði, har ein mammubeiggi okkara búði, og tá var siglt við mjólkabátunum fyrst til Kalbak og síðani til Sjógv í Kollafirði. Á myndini sæst so mangt annað enn mjólkabáturin. Súkklan, barnavognurin og ikki minst bilurin FØ 100 er eisini áhugaverdur. Hagtølini siga, at í 1950 búðu 560o fólk í Havn og 31.781 fólk í Føroyum. Í 1960 vóru skrásett 1023 akfør í Føroyum, ja, nú er bilatalið farið upp um 30.000 bilar. Hugaligt at hugsa um og at minnast aftur á. (Vagnur)

Mynd av Søljuni og Neistanum eftir hondbóltsdyst á Valloyruni í 1944. Søljan fremst frá vinstru: 1 Aslaj Nielsen, 2 Paula Davidsen, 3 Fía Nielsen, 4 Nicolina Thomsen, 5 Jenhild Danielsen 6 Raghild á Plógv og 7 Anly Joensen. Neistin aftast frá vinstru: 8 Jacobina Poulsen, 9 Elisabeth Mikkelsen, 10 Elsa Horn, 11 Gunnvør Debes, 12 Hervør, 13 Ida Hansen og 14 Helga Magnussen. Myndaeigari: Johnfinn og Ragnhild á Plógv myndasavn)

Á Facebook síggjast nakrar ómetaliga góðar og forvitnisligar eldri hondbóltsmyndir úr Sandavági. Hetta eru myndir úr myndasavni hjá Johnfinni og Ragnhild á Plógv. Eg kendi tvær neistakvinnur á eini myndini og fór at kanna málið nærri, tí neistakvinnan Elsa Horn, sum var seytjan ár, tá myndin var tikin, er á myndini, og hana samskifti eg av og á við um hondbólt. Myndin er tikin í 1944 á Valloyrini í Sandavági, og liðini eru Søljan og Neistin. Eg havi spurt Elsu, hvat hon minnist til myndina omanfyri. Læs resten →

Systikini í Tórsgøtu: Beiggjarnir frá vinstru: Vagn Erik, Aage, Helge og Ejler. Systrarnar frá vinstru: Pitte og Minna.

Tankarnir leita mangan til familjuna hjá pápa okkara Helge Dahl Michelsen, sum var føddur í Tórsgøtu, har barnaheimið var. Lagnan var ógvuliga hørð við familjuna, tí Amanda Michelsen mamma pápa fekk ógvusliga heilabløðing sum 48 ára gomul, og systir pápa Minna doyði av tuberklum bert 28 ára gomul. Mamma plagdi at siga okkum. Skrivað í 2015 Læs resten →

Statraad Lehmkuhl er vakurt seglskip. (Mynd Vagnur)

Tað er altíð áhugavert at síggja stór seglskip, og eisini er spennandi at finna út av, hvar hesi snotulig før stava og eru bygd. Statsraad Lehmkuhl er verðins størsti fullriggari, sum í 1914 varð bygt sum skúlaskip til týska handilsflotan. Tá æt skipið “Grossherzog Friedrich August. Norskur reiðari keypti skipið í 1923, men skipið varð nakrar mánaðir seinni selt til samtakið “Skúlaskipini í Bergen”. Skrivað í 2013 Læs resten →

Mynd frá 1957 uppi í Hoydølum. Líkbilurin er frá 1949. (Mynd Havnin – fólk og yrki)

Nú er Birgar Johannessen farin, men nógv virðismikið søguligt tilfar liggur eftir Birgari. Bøkurnar Havnin – fólk og yrki eru bara eitt dømi. Í 1935 var nýggi kirkjugarðurin undir Heygnum ella sum vit søgdu við Velbastaðvegin vígdur, kirkjugarður langt frá býnum. Gamli skikkurin at bera kistuna úr Havnar kirkju niðan í kirkjugarðin á Svínaryggi datt nú burtur, tí langt var út í nýggja kirkjugarðin.

Fyrstu tíðina varð antin lastbilur ella hestavognur brúktur til líkkoyring. Í 1941 heitti Jacob Dahl próstur á havnarfólk at savna inn pening at keypa líkbil. Tá kríggið var av gingu nøkur ár, so fekk Havnin fyrsta líkbilin ein Bedford, sum vit síggja á myndini. Um havnarfólk savnaðu inn pening ella kommunan sjálv útvegaði líkbilin sigur søga einki um.

Myndin er frá 1957. Líkbilurin fer av Santaoriinum í Hoydølum. Í 1948 kom fyrsti brandbilurin til Føroya ein Bedford sum er varðveittur á Brandstøðini. (Vagnur)

Skótarnir á skótalegu í 1957. Frá vinstru Rolf Guttesen, Arni Rein, Jens Petur Hansen, Karl Johansen, Bjarni Johansen, Jens Petur Gregoriussen, Kári Mouritsen, Tórður Debes Jóansson, Olaf Magnusen, Bjarni Rein, Jákup Sali Olsen og Heðin Samuelsen. (Mynd Bjarni)

Fekk hesa skótamynd frá Bjarna Johansen, sum er serlig, tí flestu kendu skótarnir á myndini eru ikki millum okkum longur. Í 1957 gekk leiðin fyrst til Hetlands við Tjaldrinum, har skótarnir lógu nátt, til teir hildu leiðina til Orkunoyggjar. Næsta dag við skipi til Aberdeen, so koyrandi í bussi í tíggju tímar til London.

Skótalegan var hildin í Sutton Coldfield nær býnum Birmingham. Á leguni vóru 40.000 skótar úr 80 ymsum londum. (Vagnur)

Biggi hevur lisið nógv og veit eina rúgvu. (Mynd Vagnur)

10 juli í ár fylti Biggi 72 ár, og í 2014 skrivaði eg niðanfyri grein, sum nú verður løgd fram í oddin aftur við loyvi frá Hans Birgiri.

Biggi er havnarmynd, er glaður persónur, men følir seg mangan happaðan. Hann spennir víða, lesur nógv, gongur túrar og rennur, er hjálparmaður hjá B36 og AB, og í  summar rann hann Tórshavn marathon fyri 12. ferð. Hann er einasti rennarin, sum hevur verið við øll árini. Eg hitti Bigga í SMS í januar mánað í 2013, har vit tóku saman um lívið hjá hesum kenda havnarmanni. Biggi hevur uppiborið at koma á forsíðuna á heimasíðuni enn einaferð.

Biggi er sonur Borghild og Hans M. Hansen, róptur Hansimann. Familjan búði fyrst í Stephanssons húsi á Kongabrúnni, síðani fluttu tey niðan í Krókabrekkuna. Tey vóru átta systkin, seks dreingir og tvær systrar: Oddmar, Nick, Ragnar, Eyðbjørn, Snæbjørn, Hans Birgir, Mildrið og Elinborg. Biggi býr í íbúð í Lon. Læs resten →