Miðvingur á ólavsøku í 2004. (Mynd Hans Pauli við Misá)

8-mannafarið Miðvingur var fyrsti kappróðrarbátur Niclas í Koltri smíðaði. Hetta var í 1957, og tá var Miðvágs Róðrarfelag eisini stovnað. Tað má sigast at vera ein sólskinssøga, at felagið nú eigur vakurt neyst, fleiri nýggjar kappróðrarbátar og skyldar ikki eitt oyra. Greinina niðanfyri skrivaði eg fyri tíggju árum síðani í 2004 á www.drekin.fo Læs resten →

Dugi ikki síggja meining í, at Klaksvíkigur rør á ólavsøku.

Eg síggi át Facebook, at Svein Rógvi og teir ætla at manna Klaksvíking á ólavsøku. Haldi mær til góðar í Klaksvík, men eg síggi slett ikki meiningina, at Klaksvíkingur rør á ólavsøku. Menn manna Klaksvíking til norðoyastevnu, síðani fara menn umborð á Páll Fanga, og so í farnu viku stóð at lesa, at menn vístu ikki, um teir mannaðu Páll Fanga, Nevið Reyða ella Klaksvíking. Alt hetta fær Norðlýsið nógvar greinar burturúr í summar, og sjónleikurin heldur fram. Læs resten →

Tríggir úrmælingar innan rógving. Frá vinstru Ingi á Tórgarði, Jón Rosenblad og Búgvi Poulsen. Myndin er tikin í Lamba. (Mynd Christopher)

Fyri tíggju árunum í 2004 skrivaði eg niðanfyri greinastubba á heimasíðuni www.drekin.fo. Eg stimaði mest sum hvørt venjingarkvøld við Havnarbátinum. Og serliga fyri ólavsøkuróðurin stóð nógv á monnum, tí Havnarbáturin mátti vera framman fyri Nólsoying til tess at vinna FM-heitið. Vágbingur spældi bæði Havnarbátinum og Nólsoyingi eitt “puss”, tí hann var á Molanum eina bátslongd frammanfyri Havnarbátin og Nólsoying. Havnarbátur tók Vágbing nakrar metrar frá mállinjuni við einum fóti, sum myndin niðanfyri sýnir. Òtrúlig róðrarupplivilsir at minnast aftur á. Læs resten →

Ikki føldi eg meg  nóg væl við kyndilsmerki á bringunum.

Vit hava havt frálíkt veður seinastu vikurnar og eísini frálíkt hoyggingarveður. Í Havnardali vóru vit fyrrapartin í dag júst liðug heingja upp í turkilag, tá svigardótturin bjóðaði drekkamunn. Eg var vátur í sveitta, tí sólin skein bæði oman niðan í harða arbeiðinum.

Eftir drekkamunnin spurdi eg í húsinum, um eg kundi lána troyggju. Fyrst komu tey við troyggju, sum var ov lítil, men so komu tey smílandi við hvítari troyggju við stórum kyndilsmerki á bringuni. Abbabørnini var skjót at speireka, tá eg segði, at eg altíð kundi skriva søgu at leggja í heimasíðuna. Læs resten →

Gongurólvur var fyri grovum vanbýti á sundalagsstevnuni. (Mynd Einar Martin)

Allir rógvarar og øll róðraráhuga í Føroyum eiga at lesa úrskurðin hjá ítróttadómsstólinum niðanfyri. Viðmerking er eisini allar niðast frá manningini á Gongurólvi. Fyri meg er ørkymlandi og beinleiðis ræðandi, at bæði nevndin í Róðrarsambandinum og dómsnevndin í RSF avvístu bæði klaguna frá Havfrúnni í ólavsøku í fjør og Gongurólvi á sundalagsstevnu, tá Ítróttardómsstólurin er komin til niðurstøðuna, at RSF hevur ikki grundarlag at vísa aftur kæruna frá Gongurólvi og heldur ikki taka stigini frá Havfrúnni. Ítróttardómsstólurin sigur, at lógarverkið í RSF er nakað ófullfíggað, og siðvenjan at skjóta róður av, tá bátur hongur eftir, er so long og sterk, at RSF átti at gingið kæruni hjá Gongurólvi á møti. Hetta mátti verið ringur biti hjá RSF at svølgt, og átti av álvara fingið RSF í stundini at rudda upp í lógarverkinum í RSF. Tí rættvísi og líkarættur má valda í føroyskum kappróðri.  Læs resten →

Her rógva 6-mannaførini við kvinnum í Miðvági. (Mynd Bjarti)

Av tilvild fekk eg fyrrapartin at vita, at 6-mannafarið Lómur av Argjum við kvinnum fekk viðhald í kæruni um vestanstevnuróðurin. Hugdi inn á heimasíðuna hjá RSF, har stóð einki, og eingin annar fjølmiðil boðar frá hesum. Manningin á Lómi sigur í kæruna, at fyrst í róðrinum á vestanstevnu kemur dómarabátur út eftir. Hann stimar framvið Lómi, sum er nærmast dómarabátinum. Lómur fær aldur frá dómarabátinum, sum órógvar róðurin hjá Lómi. Hetta sæst eisini á myndunum í Kringvarpinum  Læs resten →

Javnir bátar. Nærmast Rádni, Jarnbardur, Hvessingur, Páll Fangi fremst og longst burtur Tvørabáturin. (Mynd Torkil)

Ikki er nemt hjá mær at leggja aftrat kappróðrartilfar frá fjarðastevnu, nú Krinvarpið veruliga er farið at spenna seg út, og aðrir fjølmiðlar eisini taka myndir og fylgja kappróðrinum. Tó havi eg altíð okkurt at leggja aftrat. Eg hyggi at kappróðri óivað øðrvísi enn onnur, tí eg havi altíð verið HR maður og havi hjálpt eitt sindur til í nógv ár, men so dámar mær eisini  ómetaliga væl, tá kappróður vaknar úr dvala á støðum, har ikki er eydnast at manna bátar í fleiri ár. Leygardagin komi eg at hugsa um, hvussu stórur munur veruliga er á bátum, sjálvt um allar bátastøddir nú rógva túsund metrar. Barnaróður undantikin. Læs resten →

Uttan sær hampuligt út, men innan er arbeiðið ikki væl frágingið. (Mynd Vága Floghavn)

Fyri viku síðani var eg vesturi á flogvøllinum, og ávegis vestur var eg spentur at síggja nýggju floghavnina, sum vit í fjølmiðlunum hava hoyrt so nógv um. Satt vónbrot, má eg siga. Ikki var øðrvísi enn at koma inn í pakkhús í Havn ella á Hjalla. Alt sá út at vera gjørt á bíligastan hátt. Bara hyggja at plátunum uppi undir loftinum, har tú eisini sær ymisk stór rør. Arbeiðið er óivað ikki liðugt, hugsaði eg. Ringast var lítla upphaldsrúmið, har avvarandi kunnu sita, meðan tey bíðaðu eftir ferðafólki. Høgir ringir stólar og lítið pláss. Hugsaði beinanvegin, hvussu skilið er, um tvey flogfør eru seinkað. Fólk kunnu ikki sum áður sita seg niður, hvíla beinini og vera saman við teimum, sum skulu við flogfarinum. Alt sá út, sum arbeiðið ikki var liðugt. Hoyrdi fólk spyrja: Hvør hevur teknað? (Vagnur)

Sølmundur 2014. Frá vinstru: Inga Weihe, Sarita Annikudóttir, Rósa Tyril, Bjørg Olsen, Beinta á Reynatrøð, Kristbjørg Skibenæs og Sólrun Davidsen. (Mynd Krstfríð Tyril)

Tilvildin kann mangan vera løgin, tí tú kemur í samband við fólk, sum tú slett ikki kennur, og sum tú ongantíð áður hevur sæð. Men eftir nakrar minuttir tykist, sum vit hava kenst altíð. Hetta hendi, tá ið eg hitti tvær kvinnur umborð á Sølmundi. Eg fekk fyrst samband við Beintu á Reynatrøð, sum rør við Sølmundi, og gjøgnum Facebook fekk eg telefonnummar, so eg kundi práta við hana um 6-mannafarið Sølmund. Læs resten →

Hugo Joensen frammi í dómarabáti í Vestmanna í 2012. (Mynd Karl Garðalíð)

Eg havi í eina tíð ætlað fáa orð á 25 ára gamla Hugo Joensen, sum eg veit brennur fyri kappróðri, og sum fekk kappróður inn við “móðurmjólkini”, tí Hannis Joensen pápi Hugo var formaður í Róðrarsambandinum. – Sum smádrongur var eg altíð við pápa mínum bæði, tá hann var í neystinum, tá hann róði við Havnarbátinum old boys, og tá hann var á stevnum. Eg havi óivað verið ein plága fyri pápa mín, tí eg vildi hava alt við. Í 2006 varð eg biðin at koma í toymið í RSF, sum tók sær av FM-róðrunum, sigur Hugo og heldur fram: Læs resten →