86 ára gamla Sanna Mortensen hevur nógv góð minni frá hondbóltstíðini í Sandvík. (Mynd Vagnur)

Herfyri var eg úti á Argjum og tosaði við 86 ára gomlu Sannu Mortensen úr Sandvík, sum í 1940-árunum spældi hondbólt við SVB, Sandvíkar bóltfelag. Hetta skuldi gerast áhugaverd løta, tí maður Sannu, Henning Mortensen úr Fámjin, mintist eisini, tá tey spældu hondbólt í Fámjin. Sanna sigur soleiðis: Vit spældu hondbólt á góðum hondbóltsvølli í Oddinum í Sandvík, og umframt at vit spældu ímóti liðum á heimavølli, spældu vit í Hvalba, Vági, Skúgvi, Tvøroyri og á Sandi. Tá kríggið var av, fór ungdómurin í allar ættir, og hondbóltsspælið steðgaði í Sandvík, sigur Sanna. Læs resten →

VÍF í 1957. St.f.v: Steinálvur Andreasen, Niels Durhuus, Napoleon Klein, Óla Jákup Olsen og Mannbjørn Mortensen. Fremst f.v: Jógvan Petersen og Hans Petersen. (Páll Hellu savnið)

Ì Vestmanna havi eg hitt eini eldri hjún Anny og Napoleon Klein, sum bæði hava spælt við VÍF. Anny og Poli, sum hann verður róptur, hava eisini vunnið FM-heiti, og Anny spældi á liðnum, tá ið VÍF fyrstu ferð vann FM-heitið í bestu kvinnudeildini, hetta var í 1951. Og góðu hondbóltsminnini eru óteljandi hjá teimum báðum, og størsta minnið var, tá ið mans- og kvinnuliðið hjá VÍF var á veg til Suðuroyar at spæla hondbólt. – Eg var so ring av sjóverki, og Poli, sum ikki hevði sjóverk, hjálpti mær á ferðini suður. Eg helt hann vera so fittan, at vit blivu góð, sigur Anny, og Poli leggur aftrat, at hondbóltsferðin til Suðuroyar førdi til, at eg fann mær verðins bestu konu. Og 79 ára gamli Poli heldur fram. Læs resten →

Neistamenn vóru flúgvandi mikukvøldið. (Mynd Álvur)

Altíð spennandi og áhugavert at fylgja við stigatalvunum, hyggja at innanhýsisdystum, taptum stigum og ikki minst næstu dystunum. Fjølmiðlarnir, eisini undirritaði. hava skrivað mansliðið hjá VÍF beina kós í FM-finalurnar, men nú hevur VÍF tapt tveir dystir á rað, og nú dregur veruliga saman í oddinum í bestu mansdeild. VÍF kvinnur taptu týdningarmikil stig fyri Neistanum mikukvøldið og má fáa hjálp frá øðrum liðum, skal Neistin takast aftur, tí VÍF og Neistin hava í grundspælinum bara ein dyst eftir hvør ímóti øðrum. Lagnuna hjá VB kvinnum fáa vit at vita meira um næstu dagarnar. Læs resten →

A-dómararnir Arnar Dam og Gert Hansen døma nógvar dystir.

Eg síggi á øllum dómaraseðlunum, eg nú fái sendandi, at stór broyting fer fram í dømingina í bestu deildunum. Næstan bara uttanveltaðir dómarar døma dystirnar, og hetta er stórt frambrot og at fegnast um. Eg veit, at A-dómarar ikki longur mugu sita í dómaranevndini, og skottið millum dómarafelagið og umsitingina í HSF er burtur. Eg havi spurt Hall Danielsen frá HSF, hvussu vit nú knappliga eru komin so langt á dómaraøkinum. Og Hallur sigur: Læs resten →

Milica Rankovic og Neistin máttu veruliga stríðast til tess at fáa bæði stigini. (Mynd Álvur)

Tað kann tykjast løgið, at eg fyrst nevni VÍF kvinnurnar, men nú er vorðið so tætt í bestu kvinnudeldini, og vit nærkast jólum, at nú kunnu liðini skjótt missa fótafestið í kappingini. Neistin vann seinnapartin á StÍF 24-22 í tøttum dysti, og VB vann á Stjørnuni í Vági. Longu hóskvøldið skal VÍF til Havnar at spæla ímóti Neistanum, og sunnudagin skal VB á vitjan í Vestmanna. Eg fylgdi eitt sindur við dystinum millum StÌF og Neistan á hondbóltskjaki seinnapartin og havi fingið dómaraseðilin. Læs resten →

Neistakvinnur spæla um FM-heitið í 1974 í høllini á Hálsi. (Mynd Árið ið fór)

Á okkara ungu døgum spældu vit ikki flogbólt men volleyball. Ikki fyrr enn manslið í flogbólti fór til Íslands miðskeiðis í 70 árunum útvegaði liðið sær orðið flogbólt í samstarvi við málstovuna. Fyrsta landskappingin fór av bakkastokki í 1969, verulig flogbóltsfeløg sum Fleyr og Mjølmir vóru ikki stovnað fyrr enn í 1977, og Flogbóltssambandið var sett á stovn 29. mars 1980.  Læs resten →

Anna Brimnes, Kyndil skeyt níggju mál í Vestmanna. (Mynd Álvur)

Seinnapartin sat eg og fylgdi við á hondbóltskjaki, hvussu gekst í dystunum í Vestmanna, Havn og Hoyvík. Stóru orkuna hesuferð hevði eg at finna dómaraseðilin í dystinum millum Neistan og VB kvinnur. Høllin á Hálsi boðaði frá, at onkur var farin við dómaraseðlinum. At enda fekk eg málskjúttararnar frá einum venjara. í samanteljingin vanta bæði Neistin og VB eitt mál, so arbeiðið er ikki nóg væl frágingið við dómaraborðið. Mansdystirnir báðir vóru javnir mest sum allan dystin, meðan serliga kvinnudysturin millum VÍF og Kyndil fekk løgna vend miðskeiðis í seinna hálvleiki. Læs resten →

Nýggja havnarlagið eigur ikki at fara norður um grótkastið. (Mynd Vagnur)

Skalt tú gera tær eina meining um nýggja havnarlagið, sum Tórshavnar kommuna ætlar at byggja, so er ikki nógmikið at síggja tekningarnar í fjølmiðlunum. Tú mást fara tær út á Skansa, hyggja suður í hav og síggja alt virksemið á Eystaru bryggju. Júst tað, eg gjørdi í morgun. Ikki eri eg dagligur gestur á Skansanum, men tað gingu ikki nógvir minuttir, tá eg gjørdi mær niðurstøðuna um nýggja havnarlagið, sum ætlanin er at byggja fyri 360 milliónir krónur. Nýggja havnarlagið má ikki fara norður um grótkastið. Læs resten →

Spennandi, hvussu spælir av í Vestmanna millum VÍF og Kyndil. (Mynd Álvur)

Vit spæla nú seinastu hondbóltsdystirnar í øðrum umfari av fýra í grundspælinum. Nú telja allir dystir ómetaliga nógv, tí skjótt er, at ketan leypur av hjá summum liðum, so tey næstan ikki longur eru við í toppstríðnum um at koma í FM-finalurnar. Javnt er millum fýra lið í kvinnukappingini, meðan mansliðini hjá VÍF og Kyndli liggja væl fyri í løtuni. Sunnudagin eru serliga fýra ómetaliga spennandi dystir. Tveir í kvinnudeildini og tveir í mansdeildini. Læs resten →

Havnarlagið gerst fjall av hundrað tals bingjum. Eg vónaði, at vit fingu nýggjan 1000 metrar róðrartein, men so er ikki.

Tá eg sá tekningina av nýggja havnarlagnum í Havn, leitaði eg fyrst á tekningini, um tey “kønu” hava hugsað um kappróðurin. Vit, sum eldru eru, minnast, tá róð varð inn í Vágsbotn. Men longdir molar gjørdu, at kappróðurin fyrst í 1970-árunum misti 2000 metrar teinin og noyddist at taka til takkar við 901,25 metrar teini frá Argjahøvda og fram við Molanum. Læs resten →