Knud Rasmussen P570 og Triton F358 við bryggju í Havn. (Mynd Vagnur)

Vanligt er bara eitt danskt vaktarskip við Føroyar, men dagin eftir løgtingsvalið lá bæði Triton F358 og Knud Rasmussen P570 á Havnini. Knud Rasmussen heldur til í Grønlandi, men áhugavert kundi verið á fingið at vitað, um tilvildarligt var, at tvey donsk vaktarskip lógu við bryggju í høvuðsstaðnum valnáttina. Tú kanst kanska ímynda tær, at danir vilja vísa føroyingum, at velja tit Sambandsflokkin, so eru tit altíð í tryggum hondum. Men veruleikin er uttan iva ein annar. Tá talan er um fullveldi og yvirtøkur, so hava danir sagt, at vilja føroyingar yvirtaka fleiri málsøki, so er í lagi, bara tit gjalda sjálvi. Meira statsstuðul fáa tit ikki úr Danmark. Gott tað sama, tí sjálvandi skulu vit altíð royna sjálvi at fíggja raksturin av landinum. Eg sá í blaði, at statsstuðulin úr Danmark er nú sættapartur av føroysku fíggjarlógini. (Vagnur)

Kemur Nýtt Sjálvstýri í samgongu, er nógv at liva upp til. Næmingarnir í Hoydølum fylgja við. (Mynd Vagnur)

Omanfyri plakátin stóð við Eystara ringveg uttan iva ætlað næmingum, sum koma frá skúla úr Hoydølum. 100 milliónir er nógvur peningur, og henda upphædd munar veruliga hjá Fróðskaparsetri Føroya. Nýtt Sjálvstýri boðar næmingunum í Hoydølum og øðrum frá, at velja tit flokkin, skulu vit syrgja fyri, um vit koma í samgongu, at Fróðskaparsetur Føroya kann bjóða tykkum fleiri útbúgvingar, so tit sleppa frá at fara uttanlands í lestrarørindum. Men kann Nýtt Sjálvstýri halda hetta serliga vallyfti og geva Fróskaparsetrinum 100 milliónir. Neyvan. Læs resten →

Eingin mynd av Henrik Old, men boðskapurin er púra greiður. Og fólk

Nú er løgtingsvalið av, og eg eri væl nøgdur við valið. Fólkið vil hava broytingar, og tí vóna vit, at vinnandi flokkarnir finna saman. Havi stóran áhuga, hvussu lýsingar eru snikkarar til, tí tað eru bara tey allar fækstu, sum duga at skapa góðar einfaldar lýsingar. Góð tekning ella mynd við serliga stuttum boðskapi. Minnist sum ungur, tá vit fóru heim á Vaglið at hyggja at valplakátum. Nógvar áhugaverdar og stuttligar plakátir, har góð listarfólk høvdu fingar við í spælinum. Eg havi valt tríggjar plakátir, sum eg haldi, vóru tær mest skapandi og sigandi í valstríðnum. Læs resten →

Hildur Bjørnsdóttir úr Fylkir er væl nøgd við venjingarleguna í Føroyum. (Mynd Vagnur)

Íslendska kvinnuliðið Fylkir úr Reykjavík er um vikuskiftið á venjingarlegu í Føroyum. Liðið vitjar Kyndil, sum skipar fyri kapping millum Fylkir, VÍF, Neistan og Kyndil. Fylkir endaði seinasta kappingarár miðskeiðis í íslendsku kappingini. Ørindini míni í høllini á Hálsi sunnudagin á middegi var at spyrja Hildur Bjørnsdóttir liðskipara hjá Fylkir, hvat hon heldur um føroyskan kvinnuhondbólt, og hvussu støðan er hjá kvinnuhondbóltinum í Íslandi. Læs resten →

Brúgvin er um at fáa samband við Argir. (Mynd Vagnur)

Í gjárkvøldið setti eg meg í bilin og fór í býin at royna mítt nýggja myndatól. Myndatólini eru nú vorðin so teknisk, at “eldri” maður sum eg havi torført at lesa í bókini allar møguleikar, slíkt myndatól kann. Gott mann hevur børnini og abbabørnini at hjálpa sær við tí tekniska. Koyrdi fyrst út í Sandá at hyggja, hvussu gongst at fáa brúnna lidna. Brúgvin, sum skuldi vera liðug á ólavsøku í ár. Fólk grenja ikki, tí rundkoyringarnar eru lidnar, og fólk síggja, hvussu menn stríðast at fáa brúnna lidna kanska til jóla. Vit bíða í tolin eftir brúnni, sum fer at broyta alla ferðslu út á Argir. Læs resten →

Spennandi, hvørji 33 fólkini eru, sum komandi manna nýggja løgtingið.

Á løgtingsvalinum  29. oktober í 2011 vóru 30713 fólk á vali. Ùrslitið var hetta: Fólkaflokkurin 6883 atkvøður og 22,6 % av atkvøðunum, Sambandsflokkurin 7546 atkvøður og 24,6 %, Javnaðarflokkurin 5428 atkvøður og 17,7 %, Tjóðveldi 5589 atkvøður og 18,2 %, Framsókn 1933 atkvøður og 6,3 og Miðflokkurin 1883 atkvøður og 6,1 % av samlaðu atkvøðunum.  Læs resten →

Sum ungur hevði eg stóra virðing fyri politisku skipanini. Við aldrinum er virðingin minkað.

Um eina viku er løgtingsval, og fólk eru spent, um vit fáa stjórnarskifti. Eg liggi inni við nøkrum valtølum seinastu hálvthundrað árini, og so løgið tað ljóðar, broytir atkvøðutalið hjá stóru flokkunum ikki nakað serligt. Vit hava so nógvar føddar atkvøður, og tørført er at flyta føroyingin ella rættari sagt, er føroyingurin ógvuliga vanabundin. Havi funnið fram nøkur tøl frá løgtingsvalinum í 1962. Og %-býtið av atkvøðum millum stóru flokkarnar er ikki nógv broytt. Eitt lítið rák er ein veg í eina tíð, so skiftir rákið bara eitt sindur. Soleiðis gerst eisini á løgtingsvalinum um eina viku. Læs resten →

Stóru lýsingarnar fylla nógv í býarmyndini. (Mynd Vagnu)

Nú havi eg í nógv ár havt stóran áhuga fyri lýsingum, tí eg havi ábyrgdina av rulliskeltinum í R.C. Effersøesgøtu, sum Stuðlafelagið Neistin eigur. Vit hava ongantíð lýst við politiskum lýsingum, tí vit halda hetta vera løtuvinningur. Nú síggjast í havnargøtu stórar “dúk” lýsingar, sum eg veit kosta vanliga einar 250 krónur fermeturin at gera í Føroyum. Men hetta vilja summir flokkar ikki gjalda, og tí eru teir farnir eystureftir eftr lýsingum. Læs resten →

Hans Pauli Olsen gjørdi standmyndina. (Mynd Vagnur)

Havi altíð havt tað soleiðis, at tá ið eg komi út á bygd ella í bý,  vilt eg ofta síggja standmyndir, serligar bygningar og vitja kirkugarðin. Tá vit koyra eftir Biskopsstøðgøtu nær Betesta, síggja vit vakra standmynd av vinnulívsmanninum J.F.Kjølbro, sála, persónur, sum hevur havt ótrúligan stóran týdning fyri Klaksvíkina.

Eg visti nakað um kenda klaksvíkingin longu frá ungum árum, men nú vildi eg vita eitt sindur meira um mannin, sum kundi knýtast at standmyndini. Og hetta var áhugaverdur lesnaður.

J.F.Kjølbro Joen Frederik Kjølbro varð føddur í Klaksvík  25. februar 1887 og doyði 6. februar 1967. Og tað eru ikki hissini avrik, maðurin fekk frá hondini. Skúlagongdin var ikki tann nógva hjá manninum, vanliga fólkaskúlan og nakrar mánaðir á handilsskúla í Danmark. (Greinin skrivað 27. november 2013) Læs resten →

Ikki fáa vit tað heilt stóru broytingina á valinum komandi. (Mynd Vagnur)

Tá eg spyrji fólk, hvat tey lesa av politiska tilfarinum, sum er at lesa á fjølmiðlunum, so siga tey allar flestu, at tey bara lesa nakrar yvirskiftir. Soleiðis er eisini við mær. Eg verði í ringum lag at lesa greinar frá valevnum, har eg veit, at alt er bara sjónleikur, tóm orð og valflesk. Stúrsi eisini við at síggja stóru valplakaturnar, sum gerast størri og størri ár um ár, meðan navnið á flokkinum bara minkar og næstan ikki sæst. Eg lurtið altíð eftir Kringvarpinum og Rás 2 á middegi og um nátturðatíð, og har kemur mangan sumt áhugavert á borðið. Týskvøldið segði maður nakað sera áhugavert um skattalætta til miðal- og láglønt, sum Fólkaflokkurin lovar í valstríðnum. Læs resten →