Nýggja kappróðrarfelagið Tindur leitar eftir 8-mannafari.

Gøta og Leirvík eru gamlar róðrarbygdir, og vit, sum eldru eru, minnast 8-mannaførini Gøtu Trónd og Leirvíking, ja, og 5-mannafarið Skuran úr Gøtu. Men nú er nógv ár síðani, at róð hevur verið um kapp í Gøtu og í Leirvík, tó so, fleiri rógvarar hava róð við ÌF kappróðri og Kappróðrarfelagnum NSÍ. Í fleiri ár hevur ynski verið at stovnað felags kappróðrarfelag í Gøtu og í Leirvík, og nú er felagið stovnað, sum eitur Tindur. Forkvinna er Emmily á Reynastrøð, og hana havi eg tosað við. Og hon sigur. Læs resten →

Bilarnir í Kongagøtu. Húsini eru ikki broytt síðani í 1930-árunum, men tað eru bilarnir. (Mynd Havnin – fólk og yrki)

Kanska er tað aldurstekin, at gamlar myndir fáa tankarnar at reika í allar ættir. Nú eri vorðin 67 ár, og Havnin er broytt ótrúliga nógv, síðan eg var smádrongur. Eitt er fólkatalið, sum er 40% av fólkatalinum í landinum, annað eru allir bilarnir, sum koyra í gøtunum. Klokkan átta á morgni og um fýra tíðina seinnapartin er ikki framkomandi nógvastaðni í býnum. Myndin omanfyri, sum er tikin í 1930 árunum, er áhugaverd, tí umhvørvið er einki broytt, síðani myndin varð tikin. Tó síggjast hesi spennandi bilsniðini ikki. Læs resten →

VÍF 1968. St.f.v: John Joensen, Regin Christiansen, Petur Højgaard, Johnny Joensen og Steinbjørn Zachariassen. Húkandi f.v: Jørgin Johannesen, Eyðbjørn Joensen, Marnar Gaard og Sámal Durhuus.

Heimasíðan fekk tríggjar gamlar myndir sendandi, sum eru frá 1968. Í hagtølunum hjá HSF er mangt áhugavert at síggja, og hyggur tú eftir vunnin meistaraheitum frá 1957 til 1977, so vann mansliðið hjá Kyndli meistaraheitið átjan ferðir og VÍF tvær ferðir. Læs resten →

Áhugaverd tekning frá 1990 av Tórshavnar Havn. (Mynd Lossingarmenn í Havn)

Kom í bókini Lossingarmenn í Havn fram á omanfyri tekning av Tórshavnar Havn. Tekningin er frá 1990, men so skal sigast, at frá 1990 og til nú 2017 er eingin havnarbygging farin fram í Havn. Á tekningini kanst tú síggja, nær ymsu bryggjurnar er gjørdar. Havnin var brimpláss, men í 1926 var byrjað at gera Molan, og so kunnu vit síggja í hvørjum tíðarskeiði Molin var longdur í fleiri umførum. Sjálvur minnist eg bara seinasta streggið, sum var gjørt árini 1968-1973. Eisini áhugavert at síggja nær “Ískaiin” var gjørd, og ikki at gloyma bryggjurnar fram við Bacalao. Nú eru meira enn 25 ár liðin, síðan “Nyhavnin” var gjørd, og so síggja vit eisini, at í 1929 var bryggja gjørd, har Tjaldrið plagdi at leggja at, og at vit skulu aftur til 1968, tá bryggjan var á Bursatanga gjørd. Tekningin er serliga áhugaverd, tí árstølini eru við. (Vagnur)

Stjørnan og H71 máttu spæla umdyst til tess at finna steypavinnaran.

Sunnudagin brúkti eg rúma tíð í millumbilum framman fyri telduskíggjanum til tess at finna útav, hvussu gongst við ungdómshondbóltinum í Føroyum. Eg kundi tað sama farið í høllina, men míni oyru er ikki til harða tónleikin. At stroyma finalurnar er frálíkt tiltak. Alt riggaði væl, tó var minni gott, at ljóðið var seinkað og passaði ikki til myndirnar, og vit sóu ikki máltalvuni og kundu fylgja við støðuni í dystunum. Sjálvur var eg fegin um, at so nógv ymisk feløg vóru umboðað í steypafinalunum, men so gjørdist mær eisini greitt, at nøkur feløg eru um at yvirhála ymsar deildir í serliga Kyndli og Neistanum, sum altíð hava vunnið heilt nógvar steypafinalur. Kyndil vann onga finalu, og Neistan vann tvær, meðan H71 vann fýra ungdómssteypafinalur. Men, hvat var so annað at síggja? Læs resten →

Slættaberg og Ågot á sleipistøð í Havn. (Mynd Vagnur)

Fyri fáum árum síðani ringdi Kringvarpið til mín og spurdi, um eg vildi vera við í kaffipráti í sending, har eg kundi velja persón, sum eg yngsti at hitta, og sum eg ongantíð áður hevði hitt. Eg valdi tá Sonju Jógvansdóttir, tí eg helt hana klára seg so væl bæði í dagliga yrkinum og í arbeiðinum at betra um umstøðurnar hjá teimum samkyndu í Føroyum. Fekk eg møguleikan aftur, valdi eg skiparan á línubátinum Ågot úr Klaksvík. Skiparin eitur Hjaltur Poulsen. Havi í nøkur ár fylgt skiparanum við drívmegini og lívsneystanum, sjálvt um eg bara kenni mannin í fjølmiðlnum og ikki havi tosað við hann. Ágot stendur í løtuni á sleipistøð á skipasmiðjuni í Havn, og beint undir liðini stendur nótabáturin Slættaberg, sum í februar mánað í 2014 silgdi á Ågot við bryggjuna í Klaksvík. Ågot fekk stóran skaða. Læs resten →

Áhugavert at sígga fimleikahøllina norðan fyri gamla realskúlan frá 1916. (Mynd – Havnin fólk og yrki)

Fleiri ferð á bólkinum Gamlar myndir úr Havn er spurt um gomlu fimleikahøllina, sum stóð norðan fyri gamla realskúlan. Havi ikki fyrr enn nú sæð góða mynd av umrøddu fimleikahøllini. Fleiri myndir av fimleikanæmingum havi eg sæð, men ikki sjálva fimleikahøllina. Gamli realskúlin var vígdur i 1916, men so er spurningurin, nær fimleikahøllin var bygd. Tá farið var undir at byggja Tórshavnar kommunuskúla í 1952, og sum var liðugur og vígdur 2. september 1956, mátti gamla fimleikahøllin víkja og var tikin niður. Tórshavnar skipasmiðja keypti høllina fyri 10.000 krónur, sum var sett upp á skipasmiðjuøkinum. Myndin omanfyri má vera tikin millum 1916 og 1926, tí realskúlin stendur har, men vit síggja ikki Sjónleikarhúsið, sum var tikið í nýtslu í 1926. Flestu sethúsini, vit síggja á myndini, standa har enn, men ikki handa vakra laðaða grótbrúgvin. Eisini áhugavert at síggja, at øll fólkini í fylginum eru í hatti ella húgvu, ja, so spæla børn í ánni. Leggi eisini merki til, at húsagrundirnar eru laðaðar. (Vagnur)

Menninir vunnu fyrsta FM-heitið í 1943. Óivað einasta myndin av liðnum er úr savninum hjá Lassa Borðoy

Stranda ítróttafelag varð stovnað 11. oktober 1942, og fyrsti formaður í felagnum var Carl Andreasen, sum slóðaði fyri at spæla hondbólt á Strondum. Carl var snikkari og hevði verið í Danmark og lært til konstruktør. Í Danmark kom hann at kenna hondbóltsspælið, og komin aftur til Føroyar fór hann í holt við at læra strandingar at spæla hondbólt. Og væl bar til. Læs resten →

Áhugavert at síggja øll bilsniðini, sum nú eru ellisakfør. (Mynd Havn – fólk og yrki)

Haldi, at myndin omanfyri er góð. Myndin er frá 1967/68, tí vit síggja grundina stoypta til nýggju ítróttahøllina á Nabb, sum vit tá róptu økið. Minnist, at tað tók hálvtannað ár at byggja høllina, sum var tikin í nýtslu í desember mánað 1970. Nú hoyra vit, at ov fáir áskoðarar koma í Gundadal at hyggja at fótbólti, men vit síggja á myndini, at er ørgrynna av áskoðarum eru til dyst. Tá fór familja frá húsum at hyggja at fótbólti. Kanska øll ikki høvdu so stóran áhuga í sjálvum spælinum, men tey hittust í Gundadali til fótbólt og gott prát. Tá var einki sjónvarp, og liðini í bestu deildini vóru ikki meira enn fýra lið, sum spældu seks landskappingardystir, nú spæla liðini 27 dystir. Vit síggja nýggja neistahúsið frá 1964, B36 barakkina, sum kom úr Mjørkadali, og har eru eisini kyndilshúsið og gamla neistahúsið. Áhugavert at síggja ymsu bilsniðini, sum eg minnist øll væl. Ja, og elsteyrarnir, sum høvdu tað ringt í óveðri, har leidningar mangan slerdu saman ella lógu á vegnum, tá steyrarnir brotnaðu. Nú eru allir leidningar grivnir í vegirnar. Svarta barakkin var umvæld til dansistað í 1967, men longu í 1969 var barakkin niðurtikin, tí hon egnaði seg ikki til dansivirksemi. Húsini hjá Daniellu Olsen standa har enn, og tey mugu ikki takast burtur, fyrr enn Daniella er farin. Hon býr á Boðanesheiminum, og Daniella fyllir 104 ár 7. juni komandi. (Vagnur)

Strandakvinnur í 1958.St.f.v: Oda Høj, Marjun Bethelsen, Hennebeth Poulsen og Kirstin Høj. Húkandi´f.v: Selma Johansen, Dora Poulsen, Joan Poulsen og Sólborg Johansen. (Úr myndasavni hjá Lassa Borðoy)

Í fyrru greinini um part av hondbóltssøguni hjá StÍF skrivaði eg, at StÍF varð stovnað 11. oktober 1942, og at nógv fólk var heima undir seinna heimsbardaga, men tá ið kríggið endaði í 1945, minkaði hondbólturin burtur í einki, tí menn fóru aftur til skips, og ungfólk bæði ungir menn og ungar kvinnur fóru av bygdini. Á Strondum kemur ikki gongd aftur á hondbóltin fyrr enn í 1958, og tað er júst í 1958, at frálíka myndin omanfyri av StÍF kvinnum er tikin. Eg havi tosað við Doru Poulsen, gift Jacobsen, sum er á myndini. Skipað hondbóltsvenjing var eingin, sigur Dora.  Læs resten →