Enniberg mátti bróta túr av vegna spælskaða. Mortan og teir hava júst flutt Enniberg. (Mynd Vagnur)

Stórur ivi var, um ódnartakið varð til nakað leygardagin, tí svart sá út, tá fyrireikararnir í vikuni tosaðu við Havnarskrivstovuna. Trolarin Enniberg, sum lá við spælskaða júst á málinum, kundi ikki flytast, varð sagt av Havnarskrivstovuni. Eisini lá línubátur við startmálið, tí vóru fyrireikararnir í døpurhuga. Men so dittaði ein av fyrireikarunum at tosa við reiðaran á Ennibergi Mortan Johannesen um møguleiki var at flyta Enniberg nakrar tímar. Mortan tók væl ímóti manninum og segði nakað soleiðis: Læs resten →

Ormurin langi fer fyrstur um málið í seinasta av trimum róðrum. Nærmast Fuglfirðingur, síðani Drekin reyði, Ormurin og Havnarbáturin. (Mynd Vagnur)

Frálíkt róðrarveður á Havnarvág, tá triðja og seinasta “ódnartakið” var avgreitt. Tað tók ein tíma og tjúgu minuttir at avgreiða róðrarnar. Nógvir áskoðarar høvdu leitað sær oman á Vestaru bryggju at fylgja róðrunum. Nakað heilt serligt er at fylgja kappróðrarbátunum so tætt. Tú kanst antin velja at síggja bátarnar starta og bara vera fáar metrar frá rógvarunum, ella tú kanst standa við málið. 140 metrar er bara ein langur spurtur, og tú kanst fylgja bátunum allan teinin. Rógvarunum dáma “ódnartakið” ómetaliga væl. Eg prátaði við fleiri rógvarar eftir róðrarnar leygardagin. Læs resten →

Ein ómetaliga góð og sigandi mynd.

Havi altíð havt áhuga í serligum myndum. Ein mynd kann siga so ómetaliga nógv, og kring knøttin velja tey ársins myndir av ymsum slagi, og fólk fáa heiðursløn fyri væl tiknar myndir. Mest sum øll fólk taka nú rúgva av myndum við telefonum og digitalum myndatólum. Mangan er tað tilvildin, sum ræður, tá knappliga góð mynd kemur undan kavi. Myndin omanfyri er ein ómetaliga góð mynd, sum eg sá á Facebook. Myndin fær sanniliga tankarnar hjá fólki at reika. Læs resten →

Strandferðslan skal sjálvandi ikki minka um túratalið til Suðuroyar. (Mynd Vagnur)

Eg stúrsaði við, tá Strandferðslan í fjølmiðlunum boðar frá, at neyðugt er at skerja túratalið hjá Smyrli tveir túrar í vetur, tí fíggjarligt hall er á stovninum. Hetta er afturvendandi søgu frá Strandferðsluni, og enn einaferð rakar tað fólkini í Suðuroy. Grundgevingin hjá Strandferðsluni er, at altjóða lógir siga, at manningin á Smyrli nú skal hava meiri hvíldartíð.  Læs resten →

Alt ov stórur munur er á dýra og bíligari heiliváginum. (Mynd Vagnur)

Mangt er undarligt á hesi fold eisini á Apotekinum. Tá tú kemur í mín aldur, fært tú onkuntíð boð frá læknanum, at heilivágur má takast. Hetta er sjálvandi í lagi, men tá tú kemur á Apotekið, skalt tú knappliga taka støðu til nakað, sum tú slett ikki hevur skil fyri. Altíð fyrikomandi fólkini á Apotekinum spyrja, um tú vilt hava tann dýrara heilivágin ella tann bíligari heilivágin. Læs resten →

Firvaldur 5-mannafør gentur á Havnarvág 20. september 2014: Á toftini: Stýriborð Karin Heradóttir Enni, bakborð Rebekka L. Magnussen. Í rúmini: Stýriborð Eir Mortansdóttir Kilgour. bakborð Sára Maria Johansen. Á lærinum: Stýriborð Halldis Michelsen, bakborð Rannvá Wiberg. Róðurskvinnan eitur Kristina K. Sørensen. (Mynd Vagnur)

Vit, sum fylgja við kappróðri, stóðu sum kánus á ólavsøku í ár, tá 5-mannafarið Firvaldur fyrst vann bæði barnaróðurin og lølu seinni 5-mannafør við gentum. Ber hetta til, og hava genturnar loyvi at rógva báðar róðrarnar. Venjarin hjá gentunum er Kristin Michelsen, borgarstjóri á Tvøroyri, sum eigur eina gentu umborð. – Genturnar venja ikki í rógvimaskinum, men vandu fyrst styrkivenjingar, runnu í gøtunum, trappum og brekkum, sum vit gjørdu í gomlum døgum. Fyrst í apríl mánað róðu vit bara í bátinum, sigur Kristin, sum sjálvur róði við Suðuroyingi frá 1977 til og við 1981. Læs resten →

Teitur Samuelsen í vakrari skipstroyggju. (Mynd Vagnur)

– sigur Teitur Samuelsen, sum saman við Fróða Magnussen, tóku stig til fyrsta snarróður á Havnarvág 24. august í fjør og seinna snarróður 10. mai í ár. Nú skipa teir fyri heystkappróðri “ódnartak”, har manningar rógva tríggjar leygardagar 140 metrar tríggjar ferðir sama dag.

FM-kappingarnar eru bara tveir mánaðir um árið, manningarnar eru fækkaðar seinastu árini, tí treingir kappróðurin til aðrar avbjóðingar, so vit leingja kappingarárið.Hetta gera aðrar ítróttagreinar, sum tildømis fótbólturin, sigur Teitur.

Føroyskur ítróttur stendur og fellur við eldsálum, og tað ger føroyskur kappróður eisini. Samfelagið broytist, og tað ger ítrótturin og harvið kappróðurin eisini. Tað var tann tíð, tá eini níggju 10-mannafør og tólv 8-mannafør róðu kapp. Vit minnast eisini, tá gentubátarnir máttu rógva í tveimum bólkum, tí manningarnar vóru so nógvar. Læs resten →

5-mannafør gentur við startin: Nærmast Jallurin, síðani Drekin, Silja og Blikur. (Mynd Vagnur)

Tíverri var eg ikki til kappróður á Havnarvág fyri tveimum vikum síðani, tí var eg í dag spentur at síggja bátarnar í øðrum av trimum kappróðrardøgum. Tað byrjaði í fjør við snarróðri, har bátarnir rógva 470 metrar frá Molanum og inn í Vágsbotn. Men trupulleikar stóðust av snarróðrinum í vár, tí róðrarbátarnir sleppa ikki framat Molanum, tí farmaskip liggja har. Tí varð valt at gera nýtt tiltak “ódnartak”, har róð verður millum Skipasmiðjumolan og “Ískaiina!. Teinurin einir 140 metrar, har manningarnar rógva teinin tríggjar ferðir sama dag. Eg spurdi nakrar rógvarar, hvussu teimum dámdu hetta róðrarátak. Læs resten →

Góð mynd, men er hon sonn?

Á Facebook sært tú nógvar løgnar myndir, har tú ivast, um myndin er sonn ella ikki sonn. Teknikurin er nú so framkomin, at fólk kunnu snikka til ymsar myndir, har tú ivast, um myndin er sonn. Sá herfyri eina stuttliga mynd, har nógvur sjógvur var í Vaglinum í Havn. Fólk róðu í árabátum, og eingir vóru bilarnir. Myndin sýntist verulig og harvið stuttlig. Er myndin sonn, so er hundurin væl vandur, má eg siga.

Myndina omanfyri sá eg herfyri á Facebook. Òmetaliga góð mynd, men eg fór at ivast, um myndin er sonn. Hyggur tú nærri at myndini, síggjast nakrir kantar, sum siga, at hundurin kanska er lagdur aftrat myndina av dreinginum. Labbarnir á hundinum á dýnuni siga kanska frá, at myndin ikki er sonn. Dýnan skuldi verið kroyst meira saman, tí hundurin er tungur. Eg stóð púra býttur, tá eg fyri nú fleiri árum síðani í skúlanum sá, hvussu næmingar dugdu at brúka Power point. Tá eitt u-land fyri meg. Kann onkur siga mær, um myndin omanfyri er sonn? (Vagnur)

Einir tretivu handverkarar hava arbeitt alla sólarringin til tess at fáa nýggja FSF húsið liðugt. (Mynd Vagnur)

Fimtan minuttir vóru farnir av landsdystinum millum Føroyar og Finnland, tá eg kom fram við FAST støðina í Gundadali. Har var long bíðurøð, sum eg ongantíð áður hava sæð við støðina. Sagt var mær, at har kundu fólk keypa atgongumerki til landsdystin. Eg helt, at hetta mátti vera eitt sjálvmál fáa FSF, tí í FAST støðini keypa fólk bensin, onnur keypa góðgæti, og so tey, sum ótolin vildu sleppa til landsdyst. Handan diskin standa nøkur ungfólk í villareiði. Læs resten →