Søgulig róðrarmynd . 8-mannafør blandað. Gullbrandur, tveir Argjabátar, Miðvingur og Knørrur. Miðvingur vann róðurin. (Mynd Vagnur)

Havnar Róðrarfelag boðar frá, at felagið fer at royna snarróður á Havnarvág enn eina ferð. Ætlanin var, at snarróðurin skuldi vera flaggdagin, men hædd má takast fyri skipaferðslu og øðrum, tí verður róð snarróður á Havnarvág leygardagin 10. mai klokkan 19.00 stundisliga. Orsøkin, at róð verður klokkan 19.00 er, at Tórshavnar Havn kundi vegna skipaferðslu ikki geva loyvi fyrr um dagin. Fyrireikararnir vóna, at allir manningarnar, sum rógva í summar, melda seg til snarróðurin. Læs resten →

Havnarbáturin 2014: Róðursmaðurin Heðin Mortensen, á lærinum bakborð Karl Olivar Bærentsen og stýriborð Klæmint Ludvig, síðani Jóhannis Hellisdal og Øssur Simonsen, Hans David Hansen og Børge B. Hansen, Lutherus Hansen og Høgni Egholm, Hans Petur Joensen og Hannis Joensen. (Mynd Vagnur)

Fyri fimtan árum síðani fór Havnar Róðrarfelag eins og onnur kappróðrarfeløg at skifta út kappróðrarbátarnar, sum Niclas í Koltri smíðaði. Bátarnir vóru ov tungir í mun til bátarnar, sum bátasmiðurin Sámal Hansen smíðar. Fólk í felagnum høvdu innilig ynski, at 5-mannafar, 6-mannafar, 8-mannafar og 10-mannafar, sum Niclas smíðaði, skuldu varðveitast. Í gamla neystinum í Álakeri stendur Havnarbáturin frá 1971, sum er í góðum standi, og sum “eldru” rógvararnir eru góðir við. Læs resten →

Takk til øll tykkum, sum hava stuðlað mær hesi tvey árini og gleðiligar páskir. (Mynd Vagnur)

Nú eru tvey ár liðini, síðani eg fór undir nýggja heimasíðu við ymsum tilfari, sum ikki er at finna á øðrum heimasíðum og øðrum miðlum. Hesi tvey árini eru gingin ómetaliga skjótt, og eg havi tímað væl at skrivað tær 735 greinarnar, sum eru skrivaðar bæði árini. Undirtøkan gjørdist nógv størri, enn eg nakrantíð droymdi um. Og stóra undirtøkan er drívmegin, at eg tími at halda fram. Mest lisna greinin á heimasíðuni hesi tvey árini er søgum um Svein Rógva Nielsen, sum fekk blóðtøpp, tá vitjaðu 4855 fólk heimasíðuna í eitt døgn. Samrøðan við Marjuna Danberg er næst mest lisna greinin, sum 3833 fólk lósu fyrsta døgnið. Læs resten →

Mansfinalurnar vóru bæði væl spældar og harvið eisini spennandi. (Mynd Álvur)

Óróið í KÍF hópinum herfyri førdi til, at KÍF spælarar, venjarar og leiðsla veruliga funnu saman og settu málið at endurvinna FM-heitið. Og hetta eydnaðist. Claus Rasmussen sær allar hondbóltsdystir, og sá eisini báðar mansfinaludystirnar. Eg havi spurt Claus, hví júst KÍF vann FM-heitið og ikki VÍF. – Eg eygleiddi báðar finaludystirnar á mín hátt, og eg sá tíðuliga í báðum dystunum, at KÍF spælararnir allir í felag vildu meira enn summir VÍF spælarar. Um tað var spenningurin , sum darvaði VÍF spælarum, veit eg ikki, sigur Claus og heldur fram. Læs resten →

Simona , Agnas og Liljan í seinna FM-finaludystinum.

Lat vera sagt beinanvegin, at eg sá ikki FM-finalurnar, men lurtaði eitt sindur í útvarpinum. Mínir tankar fyri FM-finalurnar vóru, at Kyndil fór at vinna FM-heitið, tí álopsspælið hjá VÍF er slett ikki nóg gott til tess at vinna á góðu kyndilsverjuni og góða kyndilsmálverjanum. Álopsspælið hjá Kyndli er ikki betri enn í fjør, men Andreas og Sophus hava skipað verjuspælið hjá Kyndli betur í hesum kappingarárinum, tí vinnur Kyndil FM-heitið. Fekk hugskotið at skriva hesa grein, tá ið eg fekk sendandi málfátækasta dómaraseðilin, eg nakrantíð havi sæð í einum kvinnudysti. Læs resten →

Hesa serligu køku fekk Tønnis frá starvsfólkunum.

Í farnu viku gavst løgreglumaðurin og gamli hondbóltsfelagin Tønnis Wardum sum løgreglumaður, og í hesum sambandi dittaði hann sær at siga í fjølmiðlunum, at konufólk hoyrdu ikki heima í løgregluni og herinum, og tær skuldu heldur ikki viðgera fótbólt, tí tað høvdu tær ikki skil fyri. Vit, sum kenna Tønnis, vita, at hetta bara er ein “provokatión”. Eg kom á ungum árum at kenna Tønnis væl sum viðspælara í Neistanum, sum arbeiðsfelag í Grótbrotinum, og so sum trúgvan vin. Tønnis var góður vinmaður og altíð semjusøkjandi, tí gjørdist óivað hansara lívsstarv í løgregluni. Læs resten →

Sílið 5-mannafar gentur. Bakborð nærmast Unnur Weihe, so Barbara Nólsoy og Rannvá á Dunga. Fremst róðurskvinnan Durita Augustinussen. Stýriborð nærmast: Súsanna Mørk, so Rannvá Eyðunardóttir og Sigrid Ísheim. (Mynd Vagnur)

Hondbóltskappingin í yngru deildunum er av, men venjarin Regin Holm Poulsen hevur eggjað neistagentum at fara umborð á kappróðrarbát í summar, so tær eru væl fyri, tá ið hondbóltsvenjingin byrjar aftur í august mánað. Genturnar eru í góðari hondbóltsvenjing, men eingin hevur áður róð. Tær hava vant innandura í nakrar vikur, og í seinastu viku vóru tær fyrstu ferð í bátinum. Illa hevur viðrað, tí sluppu tær ikki í bátin aftur fyrr í kvøld mánakvøldið. Læs resten →

Føroyska rossið við fyli avmyndað við Vesturkirkjuna. (Mynd Vagnur)

Eingi hagtøl finnast um ross í Føroyum, tí setti eg mær fyri at kanna, hvussu nógv ross í veruleikanum eru í landinum. Eg kom fram til, at umleið 370 ross eru í Føroyum, har størsti parturin eru íslendsk ross. Nøkur ross eru blandaði, nøkur eru norsk, og so hava vit hesi 65 føroysku rossini, sum fólk vilja varðveita. Í 60 árunum góvust føroyingar at brúka rossini sum vinnuross.  Læs resten →

STÍF í hvítum fór við bronsuni, og KÍF og Magnus Müller spæla FM-finalur. (Mynd Álvur)

Seinasta umfarið í bestu mansdeild hevði ikki tann heilt stóra áhuga millum manna, tí einki lið flytur niður, og KÍF og VÍF spæla FM-finalurnar. Tó var eitt sindur av spenningi um bronsuheiðursmerkið, tí StÍF skuldi vinna á Neistanum til tess at tryggja sær bronsuna, og KÌF spældi til tess at tryggja sær fyrsta plássið í grundspælinum og harvið tryggja sær møguligan til ein eyka heimadyst í FM-finalunum. Alt fall á pláss, sum vit roknaðu við fyri dystirnar. KÍF vinnur grundspælið, tí liðið er betri enn VÍF í innanhýsis stigum, sjálvt um VÍF hevur størri málmun. Læs resten →

Trúgvu KÍF áskoðararnir hava nú FM-finalurnar at síggja fram til.

Kollfirðingar bæði spælarar, venjarar og ikki minst áskoðarar eru fegin í kvøld, tí KÍF at enda spældi seg í FM-finalurnar. Tíðliga í hesum árinum lá KÌF klárt til eitt FM-finalupláss, men so byrjaði at ganga niður á bakka. Men í kvøld ímóti Neistanum var eingin ivi. KÍF spældi frálíkt og serliga í fyrra hálvleiki, har liðið spældi tað spælið, sum KÍF er kent fyri. Skjótt og tekniskt gott álopsspæl. Læs resten →