Dystir millum Neistan og Kyndil vera altíð hart spældir og ikki lættir at døma

Nú eru FM-finalurnar av, men eina viðmerking havi eg aftrat til FM-finalurnar, sum ikki skal fara aftur við borðinum. Klokkan 19 leygarkvøldið, tá ið triði finaludysturin byrjaði millum kvinnuliðini hjá Neistanum og Kyndli, sat eg við telduna og legði seinasta tilfarið á heimasíðuna frá finaludystinum í Kollafirði millum KÍF og H71. Eg tendraði fyrst fyri Rás 2, har Hilmar Jan segði frá dystinum. Og eg øtaðist um framferðina hjá Hilmari Jan, tí frá fyrsta brígsli jarðlegði hann dómararnar Karstin Joensen og Tummas Juul Thomsen, har hann beinleiðis segði, at dómararnir bara dømdu til Neistans fyrimun. Læs resten →

Ása á Neystabø skeyt fýra mál í fyrra finaludystinum.

Neistakvinnur hava vunnið allar dystirnar í vetur bæði í landskappingini og steypakappingini, og hetta sigur so mikið, at liðið er eitt betri lið enn hini liðini í deildini. Hetta vísti eisini fyrsti FM-finaludysturin. Dysturin var varpaður út bæði í Rás 2 og Kringvarpinum, tí er ikki so nógv at leggja aftrat uttan at bíða til leygardagin, tá ið seinni dysturin verður spældur. Eg havi ongantíð trúð uppá, at Kyndil vinnur dyst ímóti Neistanum, tí tær mansverja ein og fleiri neistaspælarar. Skal Kyndil vinna á Neistanum, so má kyndilsliðið fyrst og fremst skjóta fleiri enn hesi vanligu um tjúgu málini, hetta er grundtrupulleikin hjá Kyndli, so einfalt er tað. Læs resten →

Vøkur sjón tá ið startskotið small á Vaglinum, og rennararnir hugagóðir fóru avstað. (Mynd Vagnur)

Eg havi skrivað tað áður, at nevndin í Bragdinum er ótroyttulig og hevur framt dygdar arbeiði, síðani felagið byrjaði at skipa fyri flaggdagsarbeiði í Havn. Felagið skipar eisini fyri Marathon renning, ólavsøkurenning, og annars stuðlar øðrum rennitiltøkum kring landið. Seinnapartin í dag var eg enn einaferð vitni til frálíka og væl fyriskipaðari flaggdagsrenning. Áðrenn startsskotið small klokkan 16.00, hugleiddi ein av eldsálunum í Bragdinum Niels Jákup Jacobsen um søguna hjá flaggdagsrenningini. Niels Jákup Jakobsen vann sjálvur fyrstu flaggdagsrenningina í 1987. Læs resten →

Fyrsti finaludysturin í Hoyvíkshøllini var eins javnir og H71 og KÍF spældu seinasta kappingar.

Fyrri FM-finaludysturin millum H71 og KÍF gjørdist eins spennandi, sum vit øll roknaðu við, og liðið, sum vinnur í Kollafirði leygardagin, vinnur FM-heitið 2013. Sjálvt um H71 haltaði eftir í fyrra hálvleiki,  har H71 spælarar gjørdu flestu villurnar, sá út, sum KÍF fór at vinna dystin. Men stórt herðaklapp til H71, at liðið megnaði at koma aftur í dystin. Hetta er ein dygd, og hetta vísti H71 eisini seinasta kappingarár ímóti KÍF, har liðini spældu tríggjar javnar og spennandi finaludystir, har bara eitt mál var á muni í øllum trimum dystunum. Læs resten →

Gurið Mortensen uttast til vinstru er skurðviðgjørd fyri slitið krossband og slitnan vødda í knænum.

Tað hevur sína orsøk, at Gurið Mortensen í morgun hevði góðar stundir at tosa við meg um grundspælinum í bestu kvinnudeildini, tí Gurið er júst skurðviðgerð og spælir óivað ikki aftur fyrr enn í seinni hálvu næsta kappingarár. – Eg havi spælt við slitnum krossbandi og slitnum vødda í knænum í tvey ár, og nú havi eg verið undir skurði. Um bestu kvinnudeildina er stutt at siga, at neistakvinnur saman við kyndilskvinnum vóru nógv best fyrireikaðar til kappingarárið, og at VB og Stjørnan hava havt vánaligt kappingarár, sigur Gurið millum annað niðanfyri. Læs resten →

Finnur Hansson í dysti ímóti VÍF í Havn.

Eg havi spurt Finn Hansson spælandi venjaran hjá Kyndli um at siga eitt sindur um avrikini hjá teimum sjey liðunum í Atlantic Airways deildini í vetur, og havi spurt hann, hví júst KÍF og H71 endaðu í FM-finalunum. – KÍF og H71 heysta nú fruktirnar av góðum miðvísum arbeiði seinastu árini. Eg eri vónsvikin av VÍF, sum eg haldi hevur breiðasta og besta spælarahópin í deildini, sigur Finnur millum annað niðanfyri. Og Finnur heldur fram. Læs resten →

6-mannaførini við monnum rógva 1000 metrar allar stevnurnar í summar. (Mynd Vagnur)

Hósdagin 25. apríl er flaggdagur, og tá byrjar av álvara kappróðrarárið 2013, sjálvt um einstakir bátar eru sæddir á vágni í kalda veðrinum seinastu nógvu vikurnar. Eg leita mær eitt kvøldið út á Argir og oman í Álaker at lodda dýpið, hvussu gekst at manna bátarnar í summar, og hvat tey vistu, hvussu gekst at manna bátarnar kring landið. Á Argjum vóru tey bæði nøgd og ikki nøgd, tí meðan tað gekst væl at manna gentubátarnar og Lóm við kvinnum, so gekst minni væl at manna dreingjabátarnar. Eg ætli mær seinni at ringja kring landið at frætta frá feløgunum.’ Læs resten →

Bogdan Florea skeyt tólv mál, tað vil siga helvtina av málunum hjá H71.

Grundspælið í hondbóltskappingini liðugtspælt, og kvinnuliðini hjá Neistanum og Kyndli, og mansliðini hjá KÍF og H71 eru komin í FM-finalurnar. Í heyst setti eg mær málið at skriva um dystirnar í bestu deildunum, og eg brúki einar tríggjar tímar seint seinnapartin sunnudag og ella leygardag at fáa fatur í dómaraseðlunum, ringja runt í hallirnar og so skriva um dystirnar. Hetta hevur verið møtumikið men eisini hugaligt arbeiði, men tíverri eri eg komin til niðurstøðuna, at hetta gera eg óivað ikki aftur næsta kappingarár. Orsøkin er, at sjálvt um tú gerst avtalur við persónar, feløg og hallir, so fái eg ikki fatur í øllum dómaraseðlunum, uttan eg ringi til Per og Poul og mangan uttan úrslit. Hetta er alt ov ússaligt. Læs resten →

Her síggja vit báðar hallirnar. Fimleikahøllin nærmast og ítróttahøllina longst burtur.

Byggifyritøkan Búsetur er byrjað at gera nýggju fimleikahøllina í Runavík, sum er ótrúliga spennandi verkætlan. Fimleikahøllin, sum Runavíkar kommuna letur byggja, verður bygd við síðuna av ítróttahøllini. Í hesum sambandi verður ítróttahøllin stongd i hálvt ár, tí høllin skal leingjast suðureftir og aðrar umvælingar gerast. Tá ið øll verkætlanin er liðug, fáa fimaleikarar nýtímans fimleikahøll, og hondbólturin í Runavík fær enn betri umstøður. Eg havi hitt formannin í Tjaldri Andrias Jacobsen, sum sigur, at eingin hondbóltur verður aftur í høllini í Runavík fyrr enn fyrsta januar 2014. Og Andrias heldur fram. Læs resten →

So er spurningurin, um VÍF kann fáa verjuna at rigga í Hoyvíkshøllini leygardagin. Sambært hagtølinum hevur H71 gott tak á VÍF.

Kuril kom seinnapartin á altnótina hjá Føroya Tele, tí fekk eg ikki dómaraseðlarnar fyrr en nú um átta/níggju tíðina. Næstseinasta umfar í kappingini var sum so ikki spennandi, tá  vit hugsa um FM-finalurnar. Framvegis bíða vit eftir “undanfinaludystinum” millum H71 og VÍF í Hoyvíkshøllini leygardagin, so vit finna seinna FM-finaluliðið. H71 hevði í dag ráð at tapa fyri StÍF, sum bleiv ein tættur dystur, og sum H71at enda vann við trimum málum. Fara vit fyrst til dystin millum H71 og StÍF, so var fyrri hálvleikur ótrúliga javnar, har ongantíð var meira enn eitt og tvey mál á muni og við nógvum javnleikur 4-4, 6-6, 9-9 og 11-11. Læs resten →