Umleið 220 fólk búgva í Sumba. (Mynd Jan Joensen)

Allir føroyingar áttu at lisið serstaka og áhugaverda grein í seinasta skúlablaði, sum Føroya lærarafelag gevur út. Rúni Bjarkhamar hevur samrøðu við Arnfinn Hjelm Bjarkhamar, fyrstalærara í Sumbiar skúla. Umframt at fáa kunning um virksemið í skúlanum, merkir tú stúran frá fyrstalæraranum, tí lærarin sigur millum annað: Øll politiska skipanin bíðar eftir røttu løtuni at steingja smáskúlarnar. Hesi sterku orð fingu mínar tankar at reika, tí føroyska samfelagið missir nógv, um skúlar sum Sumbiar skúli verða stongdir. Læs resten →

Føroyiski veljarin er ikki býttur og dugur at gjøgnumskoða orðini hjá Anniku. (Mynd Vagnur)

Altíð er áhugavert at fylgja við, hvat fer at henda, tá politikarar koma aftur í summarfrí. Í juli mánað eru sjálvt atfinningarsomu fjølmiðlafólkini í summarfrí, og vit onnur fáa hvílt politisku oyruni. Juli mánaður var ógvuliga friðarligur í so máta. Eg bíðaði bara eftir, hvør var fyrstur á avtrekkjaranum eftir ólavsøkurøðu løgmans. Annika Olsen skeyt fyrst við at siga, at tjóðskaparmálið er steindeytt. “Tú ert trý ár ov sein Annika, veljarin gjøgnumskoðar slíkt”. Læs resten →

Drekin reyði vann allar róðrarnar í summar. (Mynd Hvannrók)

Samanumtikið gekk væl at avgreiða allar FM-róðrarnar í summar, sjálvt um ikki byrjaði nóg væl á norðoyastevnu, har róðurin byrjaði hálvan tíma ov seint. Fara vit fyrst til kappingarreglur og lógir, so vóru tvær hendingar í róðrarárinum, sum vit áttu at sloppið undan. Sjálvandi skuldi verið skotið av, tá Gongurólvur hekk fastur í startinum á sundalagsstevnu. Málið endaði í ÍSF-dómstólinum, sum aftur førdi til, at RSF strikaði 6-mannafarsróðurin. Síðani hendingin við dómarabátinum, sum gav 6-mannafarinum Lómi aldu á vestanstevnu. RSF gav Lómi viðhald í klagu, og tí umróður eitt mánakvøld í Miðvági. Síðani til tey ítróttaligu avrikini. Læs resten →

Litfagrir bilar vóru fremst í stóru skrúðgonguni. (Mynd Vagnur)

Aftur í ár fór stór skrúðgonga fram við hjá okkum fyri ólavsøku, og enn einaferð fingu tey samkyndu dyggan stuðul frá fólkinum . Eg skrivaði somu tíð í fjør, tá ið fólk eisini gingið skrúðgongu, at eini 2000 fólk fóru fram við hjá okkum, og at dupult so nógv fólk løgdust aftrat niðri í býnum. Skrúðgongan í ár var eins stór og í fjør. Hon strekti seg frá Sjónleikarhúsinum og niðan um Plantasjuna, og har vóru bæði ung og eldri fólk. Hetta ber prógv um, at fólk vilja broytingar. Tíðin er við teimum samkyndu. Læs resten →

Spógvin 5-mannafar gentur. NSÍ kappróður. (Mynd Vagnur)

Tá eg um hálvgum trý tíðina ólavsøkuaftan kom oman á “Ískaina”, royndi eg at taka mynd av øllum manningunum, sum komu framvið, har eg stóð. Nógv torførari enn undanfarin ár, tí nú var nýggjur eftirlitisbátur har á leiðini. Í mansaldur var ábyrgdarmaðurin Vilhjálmur Tórsheim, sáli, sum andaðist í vetur. Hann syrgdi fyri, at bátarnir, sum skuldu út á málið, fór dygst fram við landinum og ikki komu inn á róðrarøkið. Ì ár vóru fleiri bátar longri úr landi, tí nú var eingin Vilhjálmur. Tá er torførari hjá mær at taka myndirnar. Nakrir dreingjabátar fekk eg ikki mynd av, tí teir longu hitaðu upp undir Argjalandi. Summar myndir eru betri enn aðrar. (Vagnur) Læs resten →

Er neyðugt at sigla so skjótt útaftur á málið. (Mynd Vagnur)

Áðrenn eg komi við serligu atfinningini um ólavsøkuróðrarnar, skal fyrst viðmerkjast, at tað gekk skjótt og væl at avgreiða FM-róðrarnar. Frásøgnin frá Kringvarpinum var frálík og viðmerkingarnar góðar sum altíð. Men tá ið tað er sagt, upplivdi eg nakað heilt serligt á “Ískaini” ólavsøkuaftan. Kom oman til sjóvarmálan klokkan hálvgum trý, og nakað eftir hoyrdi eg útvarpsmannin siga í krinvarpsbátinum og harvið í hátalarunum kring vágna hesi orð: “Vit hava fingið boð frá RSF og stevnufyrireikarunum, at vit mugu sigla spakuliga út aftur á málið millum róðrarnar, so aldur ikki koma á róðrarøkið. “Nýggjar tíðir”, hugsaði eg. Men eftir tveir róðrar var sama skili aftur, har útvarpsbáturin og aðrir bátar østu upp róðrarøkið. Hvat skuldi hetta til? Læs resten →

Knørrur fer fyrstur um mállinjuna. (Mynd Eyðun)

Ùrslitatænasta, sum liggur á drekin.fo, vóru vit fleiri, sum settu á skránna, nú fyri nógvum árum síðani. Tað var Gunnar Hansen, sum gjørdi heimasíðuna Drekin.fo, og tað var ikki hissini róðrartilfar vit framleiddu í árunum 2003 til 2008. Tá vóru vit so væl mannaðir á hvørjari stevnu, at mynd varð tikið av hvørjari gullmanning við heiðursmerkum um hálsin og steypum. Gunnar sat í málbilunum fyrstu árini, og Christopher Lützen tók hundraðtals myndir. Hesi árini vóru eisini øll hagtølini løgd á heimasíðuna, og royna menn eisini at leggja allar róðrar á heimasíðuna. Hetta eru hagtøl, sum hava stórt søguligt virði. Kappróðrarárið 2014 er av og endaði ómetaliga væl við nógvum manningum og nógvum áskoðarum. Eg havi enn nakað av ólavsøkutilfari at leggja á heimasíðuna. (Vagnur) Læs resten →

Øgilig kapping millum 6-mannaførini við monnum, har Tvørábáturin vann.(Mynd Vagnur)

Eins og undanfarin ár stóð eg á “Ískaiuni” og hugdi at ólavsøkukappróðri. Tað vil siga tveyhundrað metrar frá málinum. Ikki serliga spentur um úrslitini, tí ikki roknaði eg við, at nakar bátur hjá Havnar róðrarfelag fór at vinna. Ørindini vóru serliga myndirnar, sum altíð eru áhugaverdar at taka og so vita, hvussu skert. Allir bátarnir, sum komu fram við “Ískaiini” vórðu avmyndaðir, myndir, sum eg klippi til seinna og leggi á heimasíðuna. Skjót og væl gekk at avgreiða róðrarnar, men eingin róður uttan onkur atfinngin, sum kemur seinni. Læs resten →

Blíkalogn í Havn í morgun og frálík róðrarlíkindi. Myndin tikin úr sovukamaranum. (Mynd Vagnur)

Fyrsta eg gjørdi, tá eg steig úr songini í morgun, var at hyggi suður í Nólsoyarfjørð. Dyrdarveður, tó skýggjað, men blikalogn á Havnarvág. Fann fram kikaran at hyggja undir Argjalandi og so eftir myndatólinum. Klokkan er níggju ólavsøkuaftan. Abbadótturin, sum rør við Sílinum og fyrstu ferð rør á ólavsøku, fær hinar av manningini til morgunmatar í morgun, og eg veit, at tær eru ómetaliga spentar til seinasta róðurin á árinum. Og tað eru so sanniliga eisini hinir hálv sættahundrað rógvararnir, sum rógva á Havnarvág í dag. Óivað er onkur teirra vaknaður við kaldan dreym í nátt, tá ið tey í dreyminum nærkast málinum á ólavsøku. Eingin ivi um, at nógvir eru summarfuglarnir í maganum hjá rógvarum kring landið, sum gera klárt at leggja leiðini til Havnar. Tey gleða seg til róðurin, og tað gera vit onnur eisini. Góðan ólavsøkukappróður og góða ólavsøku øll somul. (Vagnur)

Her fer Sunnbingur fyrstur um málið inni í Vágsbotni

Skalt tú finna út av, hvussu nógv 10-mannafør hava róð á ólavsøku síðani 1932, tá Havnar róðrarfelag varð stovnað, eru tveir møguleikar. Í 1982 gav Niels Juul Arge út bókina Drekin í sambandi við, at Havnar róðrarfelag fylti hálvthundrað ár. Aftast í bókini sært tú nøvnini á øllum kappróðrarbátum, sum hava róð á ólavsøku frá 1932 til og við 1981. Hin møguleikin eru hagtølini á drekin.fo, har tú sært øll hagtøl frá 1973 til í dag. Á ólavsøku í ár rógva ellivu 10-mannafør í sama róðri, og hetta er næstan met á ólavsøku. Á ólavsøku í 1990 róðu tólv bátar og í 1979 tíggju bátar á núverandi teini. Læs resten →