Jórun stýrdi Kyndils til sigurs á Skála. (Mynd Álvur)

StíF fekk góða byrjan á Skála í kvøld ímóti Kyndli, tí eftir fjúrtan minuttir var StÍF á odda 7-4. Men so fekk StÍF bara tvey mál í fjúrtan minuttir, og tí kundi Kyndil leggja seg á odda 12-9, tá ið 26 minuttir vóru spældir.

Hálvleikstøðan var 14-11 til Kyndil. Fyrst í seinna hálvleiki var sami munur, tí eftir tíggju minuttir spæl var Kyndil á odda 18-15.

Kyndil var odda til dystarendan, og eitt skifti, tá ið fýra minuttir vóru eftir at spæla, var Kyndil á odda 26-20. Kyndil vann dystin 26-23 og tvey týdningarmikil stig at koma í FM-finalurnar.

Av Skála verður sagt, at tað var serliga Jórun Ludvig, sum átti heiðurin, at Kyndil vann dystin, tí tað var Jórun, sum so meistarliga spældi hinar spælararnar til skot. Læs resten →

 Ætlar KÍF av vinna FM-heitið, so má dygdargóðskan haldast.

Seinasta ár var KÍF á odda alla kappingina, men mátti lúta fyri H71 í tøttum FM-finaludystum. Vandi er fyri, at KÍF eisini í ár kann koma í somu trupulleikar í FM-finalunum, tí álopsspælið seinastu dystirnar er einki at reypa av, meðan verjan og serliga málverjin er ótrúliga góður, sigur eygleiðari úr Kollafirði. Hyggur tú at teimum, sum skjóta mestu málini, so eru tað framvegis Nicklas Selvig og Hans Eli Sigurbjørnso, sum eru bestu málskjúttar.

Eg hoyrdi H71 spælara siga við Rás 2 eftir dystin, at hevði KÍF ikki havt so góðan málverja, so vann KÍF ikki dystin, tí H71 hevði gott tak á álopsspælinum hjá KÍF, tá ið verjan var komin á pláss. Læs resten →

Hartvig við dómaraborðið í steypafinalunum. (Mynd Vagnur)

Hartvig Joensen setir dómararnar til hondbóltsdystirnar, og hann er ikki sørt keddur um og finst at,  hvussu heimasíðan Hvannrók skrivar um val av dómarapørum til dystirnar. Eg havi hitt Hartvig , og hann sigur.

– Eg haldi, at fjølmiðlarnir eiga ikki at leggja eftir dómarunum sum døma, men  heldur finnast at teimum feløgum, sum ikki geva sítt íkast til dømingina. Vit hava í løtuni ov fáar A-dómarar, og fáa nakrir dómarar forfall av ymiskum slagi, er ótrúliga torført at fáa kabálina at ganga upp, sigur Hartvig. Læs resten →

Vestmenningar hava framvegis møguleika at koma í FM-finalurnar.

Eg siti júst og lurti at samrøðuni millum Henrik Gerster VÍF venjara og Rás 2 frásøgumannin Trónd Arge. Haldi, at Henrik Gerster reypar eitt sindur ov nógv um góða álopsspælið hjá VÍF, tí eg haldi, at VÍF spælir í dag ímóti einum skerdum StÍF liði uttan Svein Justinussen, sum er skaddur. Dysturin í dag sigur veruliga ikki nakað um styrkina hjá VÍF í løtuni, tí vit skulu minnast til, at VÍF skeyt bara 22 mál á heimavølli ímóti H71 fyri kortum. Hóast hesi orð, so er VÍF framvegis við í FM-stríðnum men er trý stig frá H71, nú fáir dystir eru eftir í grundspælinum. Læs resten →

Tað skal nú vilja illa til hjá Kyndli, um liðið ikki kemur í FM-finalurnar.

Sigurin hjá Kyndli 26-23 á VB seinnapartin og javnleikurin 20-20 millum StÍF og VÍF/Tjaldur ger, at Kyndil nú er nærri FM-finaluplássunum. Nú er ikki nógmikið hjá VÍF/Tjaldri at vinna á Kyndli í Vestmanna 27. mars, tí sjálvt um VÍF/Tjaldur vinnur dystin, so er Kyndil betur í innanhýsis málmuni. Tí verður tað óivað neistakvinnur, sum gera av, um tað er Kyndil ella VÍF/Tjaldur, sum Neistin spælir ímóti í FM-finalunum. Tríggir dystir eru eftir í grundspælinum, og bæði Kyndil og VÍF/Tjaldur hava dyst eftir ímóti Neistanum. Nógvir spennandi dystir eru enn fyri framman, Læs resten →

H71 er ótrúliga nær at náa FM-finalunum.

Mansliðini hjá Neistanum og H71 spældu í kvøld seinasta dystin í grundspælinum, og H71 megnaði akkurát at basa neistamonnum. Annars hava liðini spælt fýra javnar dystir í vetur, har H71 hevur vunnið tveir dystir við einum máli 24-23 og 20-19, og Neistin vunnið ein dyst við einum máli 28-27, og so vann H71 ein dyst 31-25. Eg ringdi til Eirik Magnussen, sum sá dystin, og hann sigur, at báðar verjurnar vóru góðar, og neistamálverjin Mikkjal Hansen stóð avbera væl. H71 plagar at spæla skjótt álopsspæl við nógvum skjótálopinum, men í kvøld var taktikkurin hjá H71 at “rura” neistamenninar í svøvn við óvanliga seinum álopsspæli, tí sóu vit dyst við heldur fáum málum, sigur Eirikur. Læs resten →

Nú bíða neistaáskoðarar eftir FM-finalunum. (Mynd Álvur)

Nú eru vit komin so langt í landskappingini í hondbólti, at summir dystir ikki hava ávirkan á nakað sum helst.

Kvinnuliðini hjá Neistanum og Stjørnuni spældu í kvøld bara um æruna, men stuttligt er altíð at spæla ein hondbóltsdyst.

Neistin vann dystin klárt, og tað var eisini Neistin, sum byrjaði dystin best og var á odda allan dystin.

Nú bíða vit eftir, hvat lið Neistin skal spæla ímóti í FM-finalunum. Kyndil og VÍF/Tjaldur stríðast um at fáa seinna plássið í FM-finalunum. Læs resten →

Enniberg hevur túsund tons av flaki í lastini. (Mynd Vagnur)

Í morgun spákaði eg niðri á Vestaru bryggju, og har lá millum annað trolarin Enniberg og landaði túsund tons av flaki, sum fer í stórar bingjur og so til Bretlands. Tað er vøkur sjón at síggja trolara tungan í sjónum, men tankarnir sveima eisini, tá ið plattarnir við flakinum koma í land. Eg hitti annan maskinmeistaran, sum hevur verið í landi henda túrin, men skal við Ennibergi seinast í vikuni, tá ið leiðin gongur aftur í Barentshavið. – Har er øgiligur fiskur, men fiskaprísirnir er bara helvtina av prísinum, hann einaferð var. Orsøkin er, at kvotan er hækkað bæði í russiskum og norksum sjógvi í Barentshavinum, og tað gera fiskakeypararnir sær dælt av. Ov nógvur fiskur er eisini í marknaðinum í løtuni, segði maskinmeistarin. Læs resten →

Vit mugu ansa eftir, at ikki ov stórur stættarmunur er í okkara samfelag. (Mynd Ásdís)

Eins og nógvir føroyingar stúrsaði eg við, tá í fjølmiðlunum hoyrdist, at tað kostaði 800.000 krónur at hátíðarhalda tjúguára føðingardagin hjá ALS. Tjúgu ár, hugsaði eg. Hevði tað verið hálvthundrað ella hundrað ár, so var meining í ørskapinum. Men ikki tjúgu ár. Læs resten →

KÍF var klárt betra liðið í Kollafirði og er besta liðið í landinum í løtuni.

KÌF sýndi meistaraspæl ímóti VÍF í Kollafirði, og KÍF staðfesti enn einaferð, at liðið er klárt besta liðið í landinum. Og tað skal vilja illa til, um KÍF ikki vinnur uppiborið meistaraheitið fyri fyrstu ferð í søgu felagsins, tí hvørki H71 ella VÍF sýna í løtuni somu styrkju og KÍF. Men FM-finalurnar skulu ikki spælast í dag, og tí kann nógv henda seinastu vikurnar. Læs resten →