VB er ov óstøðugt á útivølli. Neistin spælir í løtuni við rygginum ímóti múrinum til tess at koma í FM-finalurnar.

Ì hondbóltskappingni í bestu deildunum eru fýra dystir eftir at spæla fyri jól. Mikukvøldið 18. desember spæla mansliðini og kvinnuliðini hjá Neistinum ímóti StÍF í høllini á Skála. Leygardagin spæla mansliðini hjá KÍF og H71 í Kollafirði, og leygardagin spæla kvinnuliðini hjá Kyndli og VB í Havn. Nú er annað umfarið í grundspælinum um at verða liðugtspælt, og klárari og klárari gerst, hvørji lið spæla FM-finalurnar í apríl mánað næsta ár. Mín meining um hetta er í skrivandi løtu:

Vinnur H71 ikki dystin í Kollafirði leygardagin, so eru heili seks stig upp til KÍF og VÍF, og tað gerst meira enn brøtt brekka hjá H71 at náa FM-finaluplássið. Eg meti hvørki StÍF, Neistan, Kyndil ella Team Klaksvík hava møguleikan at koma í FM-finalurnar. Liðini eru í løtuni seks stig og meira eftir KÍF, men vinnur H71 í Kollafirði, og StíF vinnur á Neistanum leygardagin, so er StÍF framvegis við. Mítt boð í løtuni er, at VÍF og KÍF spæla FM-finalurnar.

Kvinnukappingin er spennandi at náa FM-finalunum. VÍF fer við fyrsta plássinum, so meti eg, at VB fær meira enn bratta brekku at náa FM-finalunum, tí liðið er alt ov óstøðugt á útivølli. Tapir VB fyri Kyndli leygardagin, so meti eg VB at hava mist møguleikan at náa FM-finalunum. Síðan er kapping millum Kyndil og Neistin, har Kyndil er tvey stig frammanfyri Neistan. Tað ørkymlar meg, at Neistin bara vinnur 25-23 á Stjørnuni í Havn, meðan bæði VÍF og Kyndil vunnu stórsigrar á heimavølli á Stjørnuni.

Eingin ivi eru um, at kvinnukappingin longu verður avgjørd fyrst í januar mánað. 5. januar spæla Kyndll og VÍF í Havn og 12. januar spæla Neistin og Kyndil í Havn. Vinnur Kyndil báðar dystirnar, so spæla VÍF og Kyndil FM-finalurnar, men tapir Kyndil annan dystin, og Neistin vinnur á Kyndli, so er einki avgjørt. Eg vil siga tað soleiðis, at Neistin má vinna á Kyndli 12. januar til tess at varðveita møguleikan at náa FM-finalunum. Spennandi í hvørfall. Tað er hesu innanhýsisdystirnir, sum telja so ótrúliga nógv hjá liðunum. (Vagnur)

Neistin – Stjørnan 25-23 (13-13) Dómarar: Eyðun Samuelsen og Heri Petersen

Málskjúttar Neistans: Jacklin Durhuus 8, Nicoleta R. Hansen 5, Bára Hansen 3, Rakul Augustinussen 3, Súsanna P. Nólsoy 2, Eir Berg 2, Birita Wardum 1 og Jenny Kragesteen

Málskjúttar Stjørnan: Mina Sirdal 9, Lovisa Lassen 5, Jansy Jacobsen 3, Ella Petersen 2, Ana Maria Ecaterinescu 2, Kristina Poulsen 1 og Jóhanna í Króki 1

Neistin – KÍF 23-30 (12-18) Dómarar: Eyðun Samuelsen og Heri Petersen

Málskjúttar Neistans: Jugoslav Djumic 7, John í Innistovu 3, Teitur Magnusson 3, Sjúrður Thomassen 3, Alex Buha 2, Herbjørn Lava 3, Rói Hansen 1 og Torstein Balle 1

Málskjúttar KÍF: Magnus Müller 11, Nicklas Selvig 9, Tony Weihe 4, Rógvi Weihe 3 og Rúni Joensen 3

Viðmerkingar

viðmerkingar