Klaksvíkingur á Skála: St.f.v: Ebbe Petersen, John Reid Jacobsen, Sonni Eliasen, Magnus Norðberg, Per Venned, Jákup Hansen, Janus Dam Jacobsen, Svein Rógvi Nielsen, Jón Syderbø og aftast frá vinstru: Annfinn Sivertsen og Hjálmar Hátún. (Mynd Eirikur á Kletti)

Eg eri ikki sørt errin av ungu myndafólkunum, sum vilja taka myndir fyri heimasíðuna. Uttan myndir nyttar einki at skriva um kappróður, og eg geri hetta bara til stuttleika. Tá ið eg skrivaði á www.drekin.fo frá 2003 til 2008, var Chistopher Lützen knýttur at heimasíðuni, at hann var á hvørjari stevnu, hvørjari hugnaløtu og ársveitslu. Tá var hugaligt at skriva um kappróður, tí myndir vóru altíð góðar og nógvar. Nú eri eg einsamallur, og hetta kann bara gerast við hjálp frá ungum rógvarum í Álakeri, sum geva mær hjálpandi hond. Eg gevu teimum taskuna við myndatólinum og sigi teimum á leið, hvørjar myndir eg ynski, og hvussu tey á leið taka myndirnar. Men hesi rógva eisini sjálvi, og mugu tí lata myndatólið til onkran annan. Myndatólið kemur altíð aftur, og eg eri ovfarin hvørja ferð av úrtøkuni, tí myndirnar eru frálíkar. Tey ungu duga bara tað tekniska. Niðanfyri eru tvær myndir av Havfrúnni úr Vestmanna, men tað er tí, at ein kvinna er burtur úr aðrari myndini. Sjálvandi skal henda kvinnan eisini við. (Vagnur) Læs resten →

Klaksvíkingur var nógv stinnastur á Skála. (Mynd Karen Suðurgarð)

Allir bátarnir uttan Miðvíngur, sum vunnu í Hvalvík, vunnu eisini á Skála. Tað var bara ein heilt spennandi róður, og tað var 6-mannaførini við monnum, sum Jarnbardur enn einaferð vann. Drekin dreingir, Erla Kongsdóttir gentur, Havfrúgvin kvinnur, Jarnbardur kvinnur, Jarnbardur menn, Argjabáturin og Klaksvíkingur vunnu sínar róðrar. Fyrst av øllum stórt herðaklapp til stevnufyrireikararnar á Skála. Tey gjørdu  heimaarbeiðið til fullnar, og alt gekk sum eftir ánni. Klokkan 16.49 startaðu 10-mannaførini á 2000 metrum, og hetta má vera føroyskt met. Men haldið tykkum fæst. Dreingjamanningarnar startaðu stundisliga klokkan 15.00, og hetta var frálíkt. Læs resten →

Kára P. Højgaard kann ikki einsamallur senda eina milliard út av landinum.

Tá ið eg í fjølmiðlunum hoyrdi, at landsstýrismaðurin Kári P. Højgaard einsamallur kann undirskriva sáttmála við danska fyritøku um at gera undirsjóvartunnil millum Havnina og Skálafjørðin, so hugsaði eg nakað soleiðis: Hevur okkara politiska skipanin nú veruliga spælt fallit. Talan er jú um eina milliard krónur, sum fara út av landinum og í onkran danskan pensiónskassa, og sum føroyski brúkarin av tunlinum skal gjalda til í eini tretivu/fjøritu  ár. Útlendska fyritøkan ger av, hvussu nógv skal kosta at koyra ígjøgnum tunnilin. Hetta er heilt burturvið. Hitt málið er borgarstjórin í Klaksvík Jógvan Skorheim, sum sigur seg hava so nógva orku, at hann kann tæna tveimum harrum samstundis. Læs resten →

Sámal stýrdi í fleiri ár Eysturoyingi. (Mynd Álvur)

7.  juni í fjør legði eg hesa grein á heimasíðuni, og nú eru so nógvir nýggir lesarar komnir aftrat, at eg loyvi mær leggja greinina enn einaferð ovast á breddan, tí frá útvarpsbátinum úr Hvalvík seinasta  leygardagin varð sagt, at Sámal hevur smíðað allar bátarnar, sum rógva í løtuni. Hetta er ikki beint. Sámal hevur smíðað mest sum allar bátarnar, men ikki 5-mannaførini Blik og Títling, sum Terji Jacobsen á Kalnesi smíðaði, og Havfrúnna, sum Olaf Haldansen smíðaði. Og soleiðis segði Sámal við undirritaða í juni mánað í fjør.

Til Íslands eru farin seks 6-mannafør og tvey 6-mannafør til Danmarkar, allir hinir bátarnir standa í neystum hjá føroyskum kappróðrarfeløgum. 5-mannaførini eru 27 bátar, 6-mannaførini 26 bátar, 8-mannaførini 9 bátar og 10-mannaførini 12 bátar. Á bíleggingarlistanum hjá Sámali er í løtuni bara ein bátar at smíða. Læs resten →

6-mannaførini er ógvuliga jøvn í oddinum, og fleiri bátar kunnu vinna. (Mynd Einar Kallsberg)

Mínar gitingar um FM-róðrarnar í Hvalvík vóru á heilt á góðari leið, men at vit fingu heilar fýra nýggjar vinnarar í Hvalvík  hevði eg ikki droymt um. Serliga kom óvart á meg, at Jarnbardur við monnum var so stinnur í Hvalvík, og at Klaksvíkingur soleiðis leyp av stað í startinum og helt leiðsluna allar 2000 metrarnar. Eisini kom óvart á meg, at Miðvíngur róði so væl, og at Argjabáturin einki hevði at svara aftur við í endaspurtinum. Eg gitti, at Drekin við dreingjum vann, men hvat kunnu vit so vænta á Skála leygardagin? Onkur óvæntað úrslit mann koma undan kavi á Skála. Læs resten →

VÍF/Tjaldur er nú søga, men Heidi og Ansy Sevdal, Rannvá Jakobsen og Kirstin Jakobsen halda tó fram í VÍF.

Í gjár bórust tíðindi, at Hondbóltsfelagið Tjaldur hevur sagt upp samstarvið við VÍF um kvinnuliðið í bestu deildini. Eg havi hitt Andrias Jacobsen formann í Tjaldri, og tað, sum hann førir fram, er avbera skilagott í menningini av hondbóltinum í Runavík. – Tað vóru ov nógvir spælarar, sum ikki sluppu at spæla, og tí raðfesta vit nú øðrvísi og byggja upp av nýggjum. Vit fara at royna at steðga frágongdini av spælarum í fjúrtan og fimtan ára aldri. Kvinnurnar hjá Tjaldri spæla næsta kapppingarár í 1. deild, og so fáa vit at síggja, hvussu leikur fer, sigur Andrias Læs resten →

Miðvingur hevði betri endaspurt enn Argjabáturin í Hvalvík. (Mynd Einar Kallsberg)

Eg eri ein av teimum, sum altíð havi hildið, at tað eru ikki róðrarteinarnir, sum gera, at tað tekur ov langa tíð at avgreiða róðrarnar. Støðan er bara, at á summum róðrarstøðum í Føroyum, duga tey betur at leggja út startir og at flyta startir. Sum eg skilti á lagnum, hildu ymsir bátar startunum í Klaksvík, so klárt var at starta beinanvegin úti á 1500 metrum. Men í Hvalvík skuldi sami bátur halda 1000 metrar startinum og 2000 metrar startinum. OK. Tað gekk ikki heilt illa at leggja bátarnir, men tíð er vinna, um dreingjabátarnar byrja stundisliga klokkan trý, tað gongur betur at starta gentubátarnar, og at 2000 teinurin er klárur at brúka beinanvegin. Tað tók eina tíma styttri at avgreiða róðrarnar í Klaksvík, og so fóru vit aftur inn í tíðindasendingina hjá Kringvarpinum. Hetta er ikki nóg gott. Fýra nýggir vinnarar vóru í Hvalvík. Barnamanningarnar rógva ikki um FM-heitið. Læs resten →

Allir bátarnir, sum vunnu í Klaksvík, vinna ikki í Hvalvík. (Mynd Hvannrók)

Fyrsti FM-róðurin á norðoyastevnu er altíð serligur, tí tá liggja bátarnir eftir lutakasti. Men næstu stevnurnar liggja bátarnir soleiðis, at besti báturin frá undanfarnu stevnu liggur í miðjuna og nummar eitt og tvey bátur við síðuna av o.s.fr. Tað vil siga, at nú koma bestu bátarnir at liggja síðu um síðu. Eg kenni ikki fyrireikingarnar hjá øllum manningum til róðrarárið, men kortini fari eg at gita eitt sindur um  FM-róðrarnar í Hvalvík. Læs resten →

Í oktober mánað í fjør var KÍ væl nøgt við Páll sum venjara. (Mynd Álvur)

Venjarastarvið er serligt arbeiði, tú verður mettur eftir avrikum, og tú veitst ongantíð, hvussu tryggur tú situr í stólinum. Eru úrslitini ikki til vildar, verður kikarin oftast vendir ímóti venjaranum, tí um kósin skal broytast, kanst tú ikki senda alt liðið til hús. Bæði spælarar, áskoðarar og fjølmiðlar hava nógvar meiningar um venjaran. Feskastu dømini er Páll Guðlaugsson í KÍ og Morten Olsen, sum venur danska fótbóltslandsliðið. Einaferð vóru teir hetjur millum manna, nú fáa teir fótin í afturpartin og brúk er ikki fyri teimum longur. Hetta eru treytirnar hjá venjarunum. Læs resten →

Høgni Jacobsen rør við Argjabátinum og er nevndarlimur í felagnum. (Mynd Vagnur)

Mær dámar væl at koma út í støðna á Argjum, tí har er altíð okkurt virksemi. Fólk spáka, onnur umvæla bátar á landi, og bátar koma inn fara úr bátahylinum. Hesa ársins tíð fylla kappróðrarbátarnir hjá Argja Róðrarfelag nógv í støðni, tí nógvar eru manningarnar. Mikukvøldið hitti eg eina av eldsálinum í Argja Róðrarfelag 39 ára gamla Høgna Jacobsen, sum rør við Argjabátinum og er nevndarlimur í felagnum. Høgni er klaksvíkingur og byrjaði sum tjúgu ára gamal at rógva kapp við Nevinum Reyða úr Klaksvík. Men hvat fær rógvaran at seta seg umborð á Argjabátin eftir so nógv ár í hesari ítróttagreinin? Læs resten →