6-mannafarið Hvessingur á ólavsøku í 2016. Hvessingur er mannaður, og onnur 6-mannafør, vit higartil vita um eru Lómur, Gongurólvur, Herningur, Jarnbardur og Riddarin. (Mynd Hvannrók)

Føroyskur kappróður stendur og fellur við eldsálum og ikki minst foreldrum, sum taka hond í við ymiskum í feløgunum. Soleiðis hevur altíð verið. Flaggdagur var 25. apríl, og tá nærkast vit veruliga róðrarárinum, tí gamalt var, at bátar vóru ikki flotaðir fyrr enn flaggdagin. Havi ringt til Kollafjarðar og í Sundalagið til tess at frætta, hvussu gongst at manna bátar í summar. Læs resten →

Vakra økið framvið Gríms Kambandsgøtu og gomlu lærarahúsini skulu burtur. Parkeringshús og Tjóðpallur kroystast niður millum bilar, bátar og aðrar fyritøkur og stovnar har á leiðini. Óskiljandi, tá aðrir góðir møguleikar eru til Tjóðpall.

Beint fyri páskir var grein frá Gunvør Balle býráðslimi um nýggjan Tjóðpall á Skálatrøð at síggja í fjølmiðlunum. Løgin grein. Mín niðurstøða av lesnaðinum er, at forkvinnan í mentanarnevdini í Tórshavnar býráð hevur skeiva hugsan um Skálatrøð, og at hon gyklar sær nakað á Skálatrøð, sum slett ber til. Hon vil ikki viðurkenna, hvussu stórur partur bilurin er í gerandisdegnum hjá fólki. Vit sleppa ikki undan bilunum í býarlívinum, um vit vilja tað ella ei. Soleiðis er eisini á Skálatrøð. Læs resten →

Átta 10-mannafør róðu á ólavsøku 1986. Nólsoyinbur vann og eisini meistaraheitið. Bátarnir vóru Nóloyoyingur, Vestmenningur, Tvørabáturin, Havnarbáturin, Vágbingur, Floksbáturin, Klaksvíkingur og Ormurin Langi úr Vági. 

Henda spurning havi eg fingið mangan. Eg síggi, at talið av rógvarum í inniróðrinum leygardagin er minkað og er eisini minkað ár um ár. Bátatalið í FM-róðrunum er eisini minkað seinnu árini. NSÍ kappróður skipaði fyri inniróðri, men gavst við hesum. Tí spyrji eg: Hevur rógvimaskinan oyðilagt føroyskan kappróður? Skiljast á tann hátt, at nú vita fólk, hvat hvør rógvari megnar í maskinuni. Rógvarar lesa av hvør annan. Áður settu fólk seg í bátarnar og róðu. Eingin rógvimaskina og eingin ferðmátari.(Skrivaði hesa grein fyri júst fimm árum síðani) Læs resten →

Jákup Joensen formaður í Argja Róðrarfelag róði fýra ár við 10-mannafarinum Drekanum Reyða. (Mynd Vagnur)

Altíð hugaligt at koma út á Argir og oman á støðna, har kappróðrarneystið hjá Argja Róðrarfelag stendur. Síðani mín fyrsta grein um kappróður var skrivað miðskeiðis í 1980-árunum, havi eg altíð hildið, at Argja Róðrarfelag er væl skipað felag. Gott neyst, sum nú fær stórar umvælingar, nógvir bátar og gott samanhald. Jákup Joensen er formaður í felagnum, og tú hitti hann fyrstu ferð, tá hann spældi hondbólt í Neistinum og róði kapp við  Sílinum. Havi eisini sæð hann umborð á Drekanum Reyða. Dittaði mær fyrst at spyrja Jákup, hví hann tosar danskt, og hví hann endaði sum formaður í Argja Róðrarfelag, og hann sigur? Læs resten →

Barnaróður á ólavsøku í fjør. Nærmast Hulda, síðani Frúgvin og so Firvaldur, sum vann róðurin.

Kappróður á Tvøroyri hevur djúpar røtur, og tað vóru eisini suðuroyingar, sum slóðaðu fyri fyrstu kappróðrunum í Føroyum. Longu í 1870-árunum var fyrsti skipaði kappróðurin á Trongisvágsfirði. Í mínum ungdómsárum seinast í 1950 og fyrst í 1960 – árunum vóru 10-mannaførini Suðuroyingur, Sumbingur, Vágbingur og onkuntíð eisini Hvalbingur á síggja á stevnunum kring landið. Tá talan í dag er um ungdómsróður, hava Froðbiar Sóknar Róðrarfelag og Vágs Kappróðrarfelag góðan byr. Uni Jacobsen er skrivari í Froðbiar Sóknar Róðrarfelag, og hann havi eg tosað við. Læs resten →

Fimm FM-finaludystir er ov nógv, siga fleiri spælarar. Ja, so kom steðgur í spenningin í FM-stríðnum orsaka av landsdystum. Hetta verður uttan iva øðrvísi næsta ár. (Mynd Álvur Danielsen)

Tað var Finnur Hansson, sum slóðaði fyri nýggja kappingarleistinum í bestu mansdeild. Havi tosað við nakrar spælarar og spurt, hvussu teímum dáma/dámdi nýggja kappingarleistin. Allir spælararnir eru væl nøgdir, men tó vilja mest sum allir nakrar broytingar. Ikki fimm finaludystir men best av trimum dystum, og liðini skulu spæla fýra umfør í grundspælinum. Sjálvur haldi eg, at vinnarin av grundspælinum fær alt, alt ov lítið. Vinnarin skal fáa annað finaluplássið, tí tað skal vera stór gularót og æra at vinna grundspælið og harvið eitt FM- finalupláss. Síðani kunnu trý tey næstu liðini stríðast um seinna plássið. Læs resten →

SÍF og TB á Valloyruni í Sandavági í 1962. Standandi frá vinstru: Høgni Nielsen 6, SÍF, Martin á Mýruni 7 SÍF, Ingi Larsen 8 TB, Sigurbjørn Niclasen 9 TB, Eirikur Jensen 10 TB, Jarmund Steinkross, 11 TB, Sverri Midjord 12 TB, Hjarnar Bech 13 TB og Mervyn Dimon 14 TB. Fremst frá vinstru: Martin Joen Jacobsen 1 SÍF, John Petersen 2 SÍF, Ragnar Magnussen 3 SÍF, Johnfinn á Plógv 4 SÍF og Herluf Simonsen 5 SÍF. (Myndir er úr myndasavninum hjá Ragnhild og Johan á Plógv)

Myndin omanfyri er ein av bestu hondbóltsmyndum, sum er úr savninum hjá Ragnhild og Johan á Plógv úr Sandavági. Fyri meg persónliga er myndin serlig, tí eg havi spælt hondbólt ímóti nøkrum spælarunum úr SÍF, men ikki úr TB. Myndin er tikin eftir finaludystin í 2. deild millum SÍF og TB spældur 1962 á Valloyruni í Sandavági. Ein TB spælari á myndini er Sigurbjørn Niclasen, og hann hitti eg í grannalagnum, eftir hann var komin úr Danmark úr jólafrí og var á veg til Tvøroyrar. Eisini havi eg hitt málverjan Ragnar Magnussen úr Sandavági, sum er fimtan ár á myndini. Eg spyrji fyrst Sigurbjørn, um hann minnist finaludystin nú fyri 53 árum síðani. Og Sigurbjørn sigur. (Skrivað í 2015) Læs resten →

Tórshavnar kommuna eigur at finna annað pláss til nýggjan Tjóðpall. Økið á Skálatrøð er upptikið. (Mynd Vagnur)

Kjakið um at byggja Tjóðpall á Skálatrøð hevur skapt øði í fleiri túsund fólk í Havn og aðrastaðni í Føroyum, sum øll halda, at Tjóðpallur kann byggjast aðrastaðni í býnum heldur enn at kroysta stóran bygning niður í upptikið øki á Skálatrøð. Nakrar grundgevingar hví Tórshavnar kommuna er á skeivari leið Læs resten →

Minnist væl leivdirnar av svimjihylinum í Gundadali. Tá var hesin hylur stórt svimjiframbort í Havn. (Mynd Havnin – fólk og yrki.)

Sum uppískoytið til greinina um svimjukonurnar kann upplýsast, at Havnini fekk fyrsta skipaða svimjihylin í Gundadali í 1930. Fyri 1930 lærdu fólk seg at svimja í áum, á sjónum ella í Sandagerði. Sjálvur lærdi eg at svimja í Sandá við Spinnaríið. Ì bókini Havnin – fólk og yrki er at lesa, at Óli Jacob Hansen, Niels Arge og Jacob Hansen laðaðu byrgingina til nýggja hylin fyri  3.185 krónur. Í 1931 vórðu skiftirúmini og trappan niður í hylin gjørd. Hylurin var úr tveimum og upp í seks metrar djúpur. Hylurin var á leið har, sum tennisvallirnir nú eru við ovara fótbóltsvøll. Læs resten →

Danski landsliðsmálverjin Sandra Toft fekk á sinni álvarsligan heilaskjálvta og spældi ikki í fleiri vikur. Hon spældi eitt skifti við verju á høvdinum, men kanningar vísa, at hesar verjur eru følsk trygd, tí tær taka ov lítið av stoytinum frá bóltinum. .

Vit sum fylgja við altjóða hondbólti hava mangan sæð málverjar vera skotnir í høvdið. Fleiri spælarar fáa heilaskjálvta av stoytinum og eru burtur frá hondbólti í vikur. Hetta er afturvendandi kjak, og nógvar kanningar eru gjørdar uttanlands bæði av bóltferðini og skaðunum, málverjarnir fáa. Læs resten →