Úr myndasavninum – Havnin fekk fyrsta líkbilin í 1949

Mynd frá 1957 uppi í Hoydølum. Líkbilurin er frá 1949. (Mynd Havnin – fólk og yrki)

Nú er Birgar Johannessen farin, men nógv virðismikið søguligt tilfar liggur eftir Birgari. Bøkurnar Havnin – fólk og yrki eru bara eitt dømi. Í 1935 var nýggi kirkjugarðurin undir Heygnum ella sum vit søgdu við Velbastaðvegin vígdur, kirkjugarður langt frá býnum. Gamli skikkurin at bera kistuna úr Havnar kirkju niðan í kirkjugarðin á Svínaryggi datt nú burtur, tí langt var út í nýggja kirkjugarðin.

Fyrstu tíðina varð antin lastbilur ella hestavognur brúktur til líkkoyring. Í 1941 heitti Jacob Dahl próstur á havnarfólk at savna inn pening at keypa líkbil. Tá kríggið var av gingu nøkur ár, so fekk Havnin fyrsta líkbilin ein Bedford, sum vit síggja á myndini. Um havnarfólk savnaðu inn pening ella kommunan sjálv útvegaði líkbilin sigur søga einki um.

Myndin er frá 1957. Líkbilurin fer av Santaoriinum í Hoydølum. Í 1948 kom fyrsti brandbilurin til Føroya ein Bedford sum er varðveittur á Brandstøðini. (Vagnur)

Viðmerkingar

viðmerkingar

Leave a reply