Svein Rógvi er í løtuni til viðgerðar á Landssjúkrahúsinum. (Mynd Vagnur)

Eg gjørdist skakkur, tá ið hoyrdist, at 39 ára gamli Svein Rógvi Ljósstein Nielsen, sum rør við Klaksvíkingi, var lagdur inn á Landssjúkrahúsið við blóðtøppi. Men fegin var eg týsmorgunin, tá ið eg sá Svein Rógva og konuna Anniku spáka í Álakeri, tí Svein Rógvi tyktist ikki sjúkur, men hann var framvegis innlagdur á Landssjúkrahúsinum til kanningar og viðgerðar. Tað hoyrdist, at Svein Rógvi lá lammaður í songini, sum ikki er veruleikin, og til tess at fólk ikki skulu gita meira um rógvaran, skrivi eg hesa grein. Svein Rógvi sigur soleiðis um hendingina. Læs resten →

Terje smiðaði Títling í 2008. Títlingur verður bara nýttur til barnaróður. (Mynd Vagnur)

Tá íð eg á eini stevnu hoyrdi útvarpsmenninar siga, at Sámal Hansen hevði smíðað allar bátarnar, sum rógva í summar, so er hetta ikki rætt. Tí boðaði eg í telduposti Kringvarpinum frá, hvat er rætt, og hvat er skeivt. Sámal Hansen hevur smíðað einar 76 kappróðrarbátar, og Terje Reinert Jacobsen á Kjalnesi smíðað fýra bátar, og teir eru 6-mannafarið Romvulvs hjá Nólsoyar Róðrarfelag , 5-mannaførini Katlu hjá Árnafjarðar Róðrarfelag, Blik hjá Argja Róðrarfelag og Títling hjá Havnar Róðrarfelag. Vestmenningar hava lánt Katlu, og hava kvinnurnar róð við bátinum í 2012 og í summar. Bátarnir hjá Terja hava staðið so ómetaliga væl, tí bæði Blikur, Havfrúgvin/Katla og Títlingur hava vunnið FM-heiti. Læs resten →

Fasti starturin er ein afturvendandi trupulleiki, sum má loysast einaferð med alla. (Mynd Álvur)

Til tess at seta meg meira inn í afturvendandi trupulleikin við fasta startinum ringdi eg sunnukvøldið til skilamann úr Runavík, sum hevur nógvar royndir við fasta startinum og eisini er innanlagi í føroyskum kappróðri. – Um vit ikki hava einar tveir løntar persónar at fylgja startinum kring landið, uppliva vit eisini hendingar næstu árini, sum vit vóru vitni til í Fuglafirði og í Sørvági. Kappróðurin er komin á eitt vegamót, tí má okkurt gerast beinanvegin, sigur runavíkingurin. Læs resten →

Teistin 5-mannafar kvinnur fer fyrstur um málið. (Mynd Døgg Hansdóttir)

Tá ið eg seinnapartin hoyrdi í Krinvapinum útvarpsfólkini siga, at vestanstevnuróðurin var útsettur fyrst ein tíma og seinni ein tíma aftrat, tí starturin vendi øvugt og mátti leggjast út av nýggjum, so hugsaði eg: “Er føroyskur kappróðurin nú bumbaður aftur í miðøldina”. Var tað ikki allarbest at útsett róðurin í dag, tí róðrarlíkindi vóru slett ikki til kappróður í Sørvági. Vit fingu í hvørfall ikki ein rættvísan ítróttarligan kappróður. Tá ið 10-mannaførini og 8-mannaførini, sum skuldu rógva 2000 metrar, nú knappliga máttu rógva 1000 metrar, hví útsetti mann ikki róðurin, so rógvararnir fingu eitt gott róðrarupplivilsi. Mann kundi tað sama gjørt av, at allir bátar róðu 500 metrar eins og barnamanningarnar. Læs resten →

Tey hava júst klætt neystið, sum hevur allar møguleikar til kappróðrartrivna.

Tað er við eitt sindur av sorgblídni at tosa við Lindu Niclasen forkvinnu í Sørvágs Róðrarfelag, tí eg havi varhugan av, at fólk eru í Sørvági, sum veruliga ynskja, at gongd kemur aftur á kappróðurin í bygdini. Tað var tann tíð, tá 5-mannaførini Dúgvan og Súlan, 6-mannafarið Norðístovu Dánjal og 8-mannafarið Sørvingur vóru partur av føroyska róðrarflotanum. Tey lótu byggja nýggja Dúgvu í 2000, og í 2005 og seinni í 2008 og 2009 varð byrjað við barnaróðri, men framvegis gongst illa at fáa mannað bát í Sørvági. Eg havi hugt í hagtølini á www.drekin. fo, og hvat sigur forkvinnan í felagnum Linda Niclasen? Læs resten →

Triðja hvørt ár er vestanstevnan í Sørvági. (Mynd Vagnur)

Í øll árini eg havi skrivað um kappróður, havi eg fleiri ferðir fingið at vitað frá fólki, at tað kann ikki vera rætt, at róðrarfeløg, sum ikki eru virkin, sleppa at fyrireika FM-róðrar. Tað má fyrst og fremst vera feløgini, sum hava nógvar manningar við í FM-kappingini, sum hava fyrsta møguleika at skipa fyri stevnuróðri. Tey hava roynt at birt lív aftur í kappróðurin í Sørvági, men ikki er tað eydnast. Læs resten →

Myndin er av tí eina nýggja startinum á varmakeldu í 2005. Fimm bátar halda startinum. (Mynd Christoffer Lützen)

Eg fór til stuttleika at leita eftir grein, sum eg skrivaði á heimasíðuni www.drekin.fo í 2005 um fasta startin. Kappróðurin hevur ongantíð funnið endaliga “patentið” við fasta startinum, tí so nógv annað er tengt at startinum. Maskinbátar, startdómarar og hjálparfólk, hanafótur, veður og vindur og mangt annað. Á varmakeldu í 2005 vórðu stór stig tikin at útvega tveir í – á okkara máli – framkomnir nýggjar startir, sum Vónin hevði evnað, og sum fyrirtøkur høvdu stuðlað. Fólk vóru ótrúliga væl nøgd við nýggju startirnar. Hetta var í 2005, men nú skriva vit 2013. Danir hava eitt kent orð “situationsfornemmelse”, og eg haldi, at vit høvdu sloppið undan nógvum trupulleikum, um vit øll brúktu hetta orðið meira – eisini føroyskur kappróður. Greinin frá 2005 kann lesast niðanfyri. Læs resten →

Ørnin úr Sandavági fer sum vinnari um málið í Fuglafirði. (Mynd Døgg Hansdóttir)

Varmakelduróðurin í 2013 var so langt úti í míni róðrarverð, at eg framvegis eru bæði ørkymlaður og illur inn tey, sum stóðu fyri FM-róðrunum í Fuglafirði. Eg havi tosað við eitt foreldur at einum av manningini á dreingjabáti, og hann sigur soleiðis: – Vit komu til Fuglafjarðar klokkan 15.15, og tá róðu dreingirnir barnaróður. Løtu seinni róðu genturnar barnaróður, og hetta gekk frálíkt. Men so skuldu kvinnur (masters) rógva, og hetta oyðilegði allan róðrardagin. Átaluvert, og viðkomandi heldur fram. Læs resten →

Nógv ferðafólk hava tikið mynd av júst hesi standmyndini í Havnará. (Mynd Vagnur)

Hósdagin í vikuni hoyrdu vit í útvaprinum, at borgarstjórin í Havn boðaði frá, at vakmyndatól verða sett upp í býnum, tí nakrir “primitivir” persónar ikki kunnu halda fingrarnar frá nógvu standmyndunum, sum settar eru upp í Havn. Eg búgvi sjálvur við Plantajuna, og har havi eg sæð koppaðar standmyndir. Tað eru í veruleikanum bara nakrir heilt fáir “primitivir” persónar, sum gera slíkt, tí allar flestu ungdómar skikka sær væl í býarlívinum. Hetta eru ikki barnalótir, men beinleiðis herverk. Eitt stórt afturstig fyri Havnina, at vakmyndatól verða sett upp, tí tá eru vit farin at líkjast øðrum býum uttanlands. Spákaði mær seinnapartin oman í Havnina, har eg serliga fór at frætta, hvussu gekst við barnafestivalinum. Læs resten →

Hannis var í Vági í 1992, tá ið FM-róðrarnir vóru fluttir til sunnudag. (Mynd Chrstoffer Lützen)

Tað kemur heilt sjáldan fyri, at Róðrarsambandið flytir ein FM-róður til sunnudag, men FM-róðrarnir í Fuglafirði eru fluttir til í morgin sunnudag 7. juli klokkan 15.00, tí ov nógvur vindur er í Fuglafirði í dag. Eg havi spurt fyrrverandi formannin í Róðrarsambandidnum Hannis Joensen, um hann veit um fleiri róðrar, sum eru fluttir eitt samdøgur í hansara tið í RSF.

Hannis var sjálvur í Vági í 1992, tá ið FM-róðrar vóru fluttir til sunnudag, og hann sigur mær frá ymiskum,  sum eg ikki visti áður. Millum annað tað, at fyri 1979 var á summu stevnum róð leygardag og á summum stevnum sunnudag. Og Hannis heldur fram: – Eg minnist væl róðurin í Vági í 1992, tí eg umboðaði Róðrarsambandið á stevnuni. Tað var kolandi stormur í Vági, tá vit komu suður, og eg minnist, at vit fyrst flutti róðurin ein tíma og so ein tíma aftrat. Læs resten →