Neistin og Kyndil spæla leygardagin steypafinalu. (Mynd Álvur)

Eitt er steypafinalurnar, sum verða spældar komandi vikuskifti, annað er landskappingin, sum byrjaði aftur um vikuskiftið. Stigatalvan í bestu deildunum broyttist veruliga, tí mansliðið hjá H71 tapti fyri VÍF, og neistamenn mistu seinasta møguleikan at náa FM-finalurnar. í kvinnudeildini hendi tað, at Neistin vann á Kyndli, og tá VÍF samstundis vann á Stjørnuni, eru bara tvey stig millum Kyndil og VÍF um at náa FM-finalurnar. Og liðini spæla hvør ímóti øðrum í næstum.

Halda vit okkum til stigatalvuna í bestu kvinnudeildini, síggja vit, at nú er VÍF bara tvey stig frá Kyndli um at náa FM-finalurnar, tí at Neistin vann á Kyndli sunnudagin. Kyndil og VÌF hava spælt tveir av fýra dystum hvør ímóti øðrum í grundspælinum. VÍF vann dystin í Havn 25-24, meðan Kyndil vann dystin í Vestmanna 22-21. Tann 18. februar spæla Kyndil og VÍF spennandi dyst í Havn, tí vinnur VÍF dystin, so fer VÍF fram um Kyndil á stigatalvuni. Liðini eru tá jøvn í stigum, men VÍF betri innanhýsisúrslit. Tapir VÍF, so má sigast, at VÍF hevur mist FM-møguleikan, ti neistakvinnur sita, sum nú er, trygt á oddasessinum.

Annars má sigast, at kvinnuliðini í toppinum eru ógvuliga jøvn. Ikki tað nógvu málini við góðum verjum ella rættari sagt ikki nóg góðum álopsspælarum. Havi sagt tað áður, at eg hevði roknað við, at VB í vetur fór heilt upp á toppin, men nú fór steypafinalan seinasta hóskvøld, og svart sær út at náa FM-finalurnar, har VB má fáa hjálp frá øðrum liðum. VB liðið er alt ov óstøðugt, og tá liðið ikki megnar at skjóta meira enn átjan mál ímóti Kyndli á heimavølli, so kanna liðið ikki rokna við at náa hvørki steypafinalu ella FM-finalu. Nú bíða vit so eftir toppdystinum 18. februar millum Kyndil og VÍF í Havn.

Til stuttleika kann nevnast, at í dystinum millum Kyndil og Neistan spældi Randi Wardum ikki fyri Kyndil, og báðar útlendsku kvinnurnar hjá Neistanum eru skaddar í løtuni.

Kyndil – Neistin 18 – 22 (11-10) Dómarar: Gert Hansen og Agnar Dam

Málskjúttar Kyndil: Bára K. Hansen 5, Anna Brimnes 5, Bjarta Johansen 3, Ásleyg Súnadóttir 2, Turið Arge 2 og Anna Mohr 1

Málskjúttar Neistin: Jacklin Durhuus 7, Bára Hansen 5, Marjun Danberg 4, Birita Jacobsen 3, Nicoleta Hansen 2 og Súsanna Nólsoy 1

Kyndi – Neistin menn 27 – 7 (7-7) Dómarar: Gert Hansen og Arnar Dam

Málskjúttar Kyndil: Hjalti Bachmann 4, Julian Johansen 4, Finnur Hansson 4, Frank Askildsen 4, Birgir Poulsen 3, David Edvardsen 3, Torvald Abrahamsen 2, Bjarni Sørensen 2 og Eirikur Simonsen 1

Málskjúttar Neistin: Sjúrður Thomassen 5, Andras Joensen 3, Tommy Fletcher 2, Kristjan Dulavík 2, Rói B. Hansen 2, John í Innistovu 1, Carl Herup Olsen 1 og Torkil Hentze

Kyndil setti Neistan á pláss í seinna hálvleiki.

Stigatalvan í bestu mansdeild er áhugavert, tí longu 15. februar fáa vit óivað at vita, um tað verður Kyndil ella H71, sum skulu fylgja VÍF í FM-finalurnar. Tá spæla H71 og Kyndil í Hoyvíkshøllini, ein dystur, sum H71 má vinna til tess at varðveita FM-møguleikan. Havi avskrivað bæði KÍF, Neistan og hini liðini, tí hesi lið eru alt ov óstøðug at vera við í toppinum. Tað er bara at hyggja í dómaraseðilin í dystinum millum Kyndil og Neistan. Neistin kemur á odda 5-1 fyrst í dystinum. Javnleikur í hálvleikinum 7-7, og so tapir Neistin 20-10 í seinna hálvleiki. Slíkt ber ikki á mál.

Vóni, at neistamenn vísa áskoðarunum betri hugburð leygardagin steypafinaluni. Eg segði longu tíðliga í kappingini, at Kyndil kom óivað at vera annað liðið í steypafinaluni. Og so skulu vit minnast til, at Kyndil misti tvey stig vegna tess at spælari ikki hevði spæliloyvi í dysti ímóti Team Klaksvík. Men latum okkum fyrst spæla steypafinalurnar leygardagin, og so herja vit aftur á landskappingina annað vikuskifti. Tit leggja til merkis, at eingi hagtøl eru frá dystunum í Vestmanna. Orsøkin er einfalt, eg havi ikki fingið dómaraseðlarnar sendandi úr Vestmanna. (Vagnur)

Stigatalvan í b

Viðmerkingar

viðmerkingar