Spennandi venjarauppgáva hjá Juliani. (Mynd Vagnur)
Týskvøldið var greitt, at 24 ára gamli Julian Jónsson Johansen skal venja neistakvinnur, eftir at Kári Horn er givin sum venjari. Vit kenna Julian sum kyndilsspælara, men nú hann skal venja neistakvinnur, spælir hann ikki longur við kyndilsmonnum.
Julian hevur ikki royndir sum venjari í bestu deildini, men hann hevur vant ungdómslið hjá Kyndli, og hann er í ferð við at útbúgva seg sum venjara. Julian er el-handverkari og arbeiðir hjá Leif Mohr.
Longu í kvøld skulu neistakvinnur á fund við venjaran, og tað verður Julian, sum stendur við ábyrgdini á beinkinum, tá ið neistakvinnur spæla ímóti Kyndlil sunnudagin.
Neistakvinnur er spentar at leggja til brots aftur við nýggjum venjara. Kanska fáa vit orð á Julian seinni. Neistakvinnur eru við í kappingini um at koma í FM-finalurnar, Liðið hevur manning at koma í FM-finalurnar, og tí er spennandi, hvussu júst fer at ganga neistakvinnum sunnudagin ímóti Kyndil. Fyrsta dystin í grundspælinum spældu liðini javnleik 15-15.(Vagnur)