Úr myndasavninum – Áhugaverd mynd av eystaru bryggju í Havn

Vit síggja eisini, at havaldan hevur frítt spæl inn á eysturu-og vesturvág, og Havnin var tá brimpláss. (Mynd Fornminnissavnið)

Myndin omanfyri er meira enn áhugaverd mynd. Tú kanst sita leingi og hyggja at myndini, sum má vera frá fyrst í 1930-árunum. Molin var bygdur í trimum stigum. 1. (1926-1929) 2. (1950-1954) og 3. (1968-1973). Fyrsta byggistigið er liðugt, og teir byggja nú bryggjuøkið, har pakkhúsini skulu standa.

Síggi, at teir stoypa kloakkrørini á staðnum, men ongar maskinur eru at síggja. Eisini áhugavert at síggja út á Argir, hvussu húsini standa spreidd, og teir hava velt niðan undir hamaran. Á myndini síggja vit eisini smáar smáttur, og so er spurningurin, um børnini hava bygt smátturnar, ella hetta eru arbeiðssmáttur. Danir stóðu fyri øllum byggistigunum av Molanum. Fibiger & Villefrance stóð fyri fyrsta 1. byggistigi, Kampsax fyri 2. byggistigi  og Phil & Søn longdi Molan út í fulla longd. (Vagnur)

Viðmerkingar

viðmerkingar

Leave a reply