Fríggjadagin umvældu menn frá Sílaveiðufelagnum sílatrappur í Sandá

Hugagóðir menn umvæla sílatrappurnar. Gróðlaðarin Adrian Strauss Joensen stendur fyri arbeiðinum. (Mynd Vagnur)

Fríggjadagin kom eg í Sandagerð at hyggja at, meðan teir umvældu sílatappurnar í Sandá, Hesaferð við fossin. Tað var miðsleiðis í 1950-árunum, at menn gjørdu fyrstu sílatrappurnar í Sandá. Hetta var gjørt til tess at hjálpa sjósílunum at koma niðan í ánna á gýta. Sílini fara síðani aftur á havbit at vaksa seg stór fyri síðani at koma aftur í ánna. Sjósílini er kná, men tey hava sína avmarkingar, tí verða sílatrappur gjørdar.

Sílatrappurnar eru høgrumegin í fossinum. Fossurin er vakur, tá nógv vatn er í ánni, men tað var tað ikki fíggjadagin.. (Mynd Vagnur)

Tá áarføri er, stendur nógv á sílatrappunum, og tær slítast eisini, tá eyrur og smásteinar koma oman við ánni. Teir tøma eisini sílatrappurnar fyri grót og eyr, so tær eru rúmar og nóg djúpar hjá sjósílunum at ferðast í. Sílatrappurnar vóru umvældar einaferð í 1980-árunum, og nú var tíð at umvæla tær enn einaferð.

Her síggja vit, hvar sílatrappurnar eru. Her er vatn í ánni, og teir mugu byrgja fyri, so teir fáa laðað og stoypt. (Mynd Vagnur)

Sandá er friðað, og tú mást hava loyvi at gera átøk í ánni. Arbeiði at umvæla sílatrappurnar er eisini í samstarvi við Tórshavnar kommunu. Tá umvælingin fer fram, má áin vera lítil, og vatnið leiðast aðrar vegir. Vit mugu vera væl mannaðir, tí betong skal blandast og bera, sigur Óli Petersen, sum er skrivari í Sílaveiðufelagnum.

Nú er sílatrappugongin turr, og teir kunnu fara til arbeiðis. (Mynd Vagnur)

Meðan eg stóð har og eygleiddu menninar, reika tangarnir aftur í barnaárinum, tá vit fangaðu glasállar, júst har teir umvældu sílatrappurnar. Eg spurdi, um teir sóu nakað til glasállar. Jú, ein hevði fanga tríggjar glasállar. Vit ungu lærdu jú at svimja í Sandá og tveimum hyljum longri upp í Sandá. Í Mylluhylinum og ein minni hyli longri uppi. Tað er grótlaðarin Andrian Strauss Joensen við hjálp frá monnum úr Sílaveiðufelagnum, sum fríggjadagin  umvældu sílatrappurnar. Í september mánað í fjør umvældu teir sílatrappurnar við Mylluhylin. (Vagnur)

Hugaligt at síggja menn í Sandá. Teir er nú lidnir at laða og stoypa.  (Mynd Vagnur)
Sílatrappurnar skulu eisini av og á reinsast fyri grót, sum kemur oman við ánni. (Mynd Vagnur)

 

 

Viðmerkingar

viðmerkingar

Leave a reply