Róðrarfelagið Tindur (Gøta/Leirvík) fær í næstum nýtt 5-mannafar

5-mannafarið Knúkur úr felagnum Tindi (Gøta/Leirvík) vann í Vestmanna fyrsta sigurin til felagið. (Mynd Hvannrók)

Gøta og Leirvík eru gamlar róðrarbygdir, og vit, sum eldru eru, minnast 8-mannaførini Gøtu Trónd og Leirvíking, ja, og 5-mannafarið Skuran úr Gøtu. Men nú er nógv ár síðani, at róð hevur verið um kapp í Gøtu og í Leirvík, tó so, fleiri rógvarar hava róð við ÌF kappróðri og Kappróðrarfelagnum NSÍ. Í fleiri ár hevur ynski verið at stovnað felags kappróðrarfelag í Gøtu og í Leirvík, og nú er felagið stovnað, sum eitur Tindur. Í februar mánað í fjør skrivaði eg grein um felagið, og nú eitt ár er iðið, spyrji eg Gudny Langgaard forkvinnu í felagnum, hvussu er gingist higartil at fáa til vega bátar og at manna bátarnar.

Her síggja vit Knúk rógva ódnartøk í Vestmanna. Nærmast jkjkjk, síðani Knúkur, Falkur og Ingibjørg. (Mynd Hvannrók)

– Triggjar manningar úr Tindi rógva í summar, og eru tað 5-mannafarið Knúkur barnamanning við dreingjum og gentum, og síðan Knúkur mannað við gentum. 5-mannafarið Knúk hava vit  fingið av Tvøroyri, sum áður æt Firildur, sum er ein eldri Firvaldur, sum Sáman Hansen á sinni smíðaði. Nú bíða vit spent at fáa nýtt 5-mannafar, sum Sámal Hansen hevur smíðað okkum. Vit vóna, at báturin er klárur at flota i jkjkj, sum næstu FM-róðrar, sum er sundalagsstevna í Hósvík 17. juni.

Knúkur við dreinjum barnaróður. (Mynd Hvannrók)

– Tú spyrt um neyst og venjingarumstøður? – Bátarnir 5-mannafarið Knúkur og 6-mannafarið Tindur standa í neysti í Norðagøtu. Vit hava fingið tíggju níggjar rógvimaskinur, og so fegnast vit um at hava fingið venjara at venja tey ungu. Hetta er John Høgnesen, sum á sinni róði við bátí Leirvík. LÍF kappróður, sum vit eldri minnast so væl. Vit keyptu eisini 6-mannafarið Sølmund, nú tey í Runavík fáa nýtt 6-mannafar. 6-mannafarið eitur Tindur, sigur Gudny Langgaard í stuttari viðmerking.

Knúkur við gentum. (Mynd Hvannrók)

Vit kunnu leggja aftrat, at Knúkur vann sín fyrsta sigur nakrantíð til felagið, tá  Knúkur við gentum barnaróður vann ódnartøkini í Vestmanna. Tey í Tindi vita, at Firvaldur av Tvøroyri, sum rør heilt væl, var ikki við, men genturnar ætla sær at spenna seg út á norðoyastevnu. Vit eru nógv sum fegnast um, at gongd er komin í aftur kappróður í Leirvík og Gøtu. (Vagnur)

Viðmerkingar

viðmerkingar

Leave a reply