Monthly Archives: november 2015

So hyggja vit enn einaferð í stigatalvuna í bestu mansdeild

Kyndilsmenn hava ikki nógv skot eftir í byrsuni til tess at náa FM-finalurnar.
Kyndilsmenn hava ikki nógv skot eftir í byrsuni til tess at náa FM-finalurnar.

Stóru søgurnar og harvið broytingarnar í bestu mansdeild eru, at toppskjúttin Áki Egilsnes fer til Íslands. Nicklas Selvig flytir úr Kollafirði til Vestmannar, og at Mladen gevst sum málverji í Kyndli. Stóri spurningurin er, hvussu hetta fer at ávirka kappingina at koma í FM-finalurnar? Støðan í taptum stigum er, at H71 hevur einki stig tapt, KÍF tapt sjey stig, VÍF sjey stig, StÍF ellevu stig, Kyndil trettan stig, Neistin fjúrtan stig og Team Klaksvík tjúgu stig. Liðini spæla fýra umfør, og tí kann alt broytast ógvuliga skjótt. Les meira…

Aftur í 60 árini – Søgan um tónleikabólkin Cream Crackers (1)

Cream Crackers 1988. Frá vinstru: Birgar Johannesen, Hans Christian Clementsen, Sigurd Bech, Djóni Andreassen og Herálvur Jacobsen. (Mynd Vagnur)
Cream Crackers 1988. Frá vinstru: Birgar Johannessen, Hans Christian Clementsen, Sigurd Bech, Djóni Andreasen og Herálvur Andreasen. (Mynd Vagnur)

Eg fari í nøkrum greinum at leggja út nakað av tilfari, sum eg skrivaði í sambandi við Aftur í 60 árini, sum Hondbóltsfelagið Neistin skipaði fyri frá 1988 til og við 2007. Tað vil siga í fylgjandi tjúgu ár. Nógvar tók eg myndirnar, og nakrar av teimum kunnu gott síggjast enn einaferð. Myndin omanfyri frá 1988 er av vælumtókta 60 -ára bólkinum Cream Crackers og er tikin í sambandi við, at Cream Crackers spældi í høllini á Hálsi í 1988. Á myndini síggja vit frá vinstru Birgar, Hans Christian, Sigurd, Djóna og Herálv. Søgan um the Cream Crackers er í stuttum henda: Les meira…

Húsini hjá Daniellu skulu ikki burtur, fyrr enn Daniella er farin

Húsini hjá Daniellu eru klár at beina burtur.(Mynd Vagnur)
Húsini hjá Daniellu standa klár at beina burtur. (Mynd Vagnur)

Á Boðanesheiminum í Havn býr fyrrverandi lærarin Daniella Olsen. Hon fylti 102 ár 7. juni í ár og er fødd í 1913. Fert tú í Gundadali eystan fyri Tórsvøll, standa tvey hús tóm klár at beina burtur. Grivið er heilt tætt at grundini í størra húsinum, men sjálvt um Tórsvøllur mest sum er liðugt útbygdur, standa húsini hjá Daniellu framvegis. Og orsøkin er einfald. Les meira…

Politiska hornið – Samgongan skapar órógv í samfelagnum

Tinghúsið-aEg var ein av teimum mongu, sum ynsktu nýggja samgongu í Føroyum. Fólkið talaði á løgtingsvalinum seinast og vildi broytingar. Sambandsflokkurin og Fólkaflokkurin fingu vánaligt val, meðan serliga Javnaðarflokkurin gjørdi kvettið á valinum. Men ábyrgd og gott politiskt handalag fylgja stórum valsigrum. Ikki haldi eg, at nýggja samgongan hevur lagt væl frá landi, tí hon hevur skapt órógv í samfelagnum. Pensjonistarnir eru í øðini og tað sama tey lesandi. Ògvuslig hækking tildømis í tinglýsingum, brennievnið hækkar, og so ikki at gloyma rumbul í fiskivinnuni. Samgongan hevur tikið alt ov rívan til, nú tað stundar til jóla. Les meira…

Fyrstu ferð grein er tikin av aftur heimasíðuni

Hondbóltur hevur djúpar røtur í Vestmanna. (Mynd Vagnur)
Hondbóltur hevur djúpar røtur í Vestmanna. (Mynd Vagnur)

Hósdagurin, tað vil siga í gjár, var serligur dagur hjá mær í heimasíðuhøpi. Í hálvtfjórða ár havi eg skrivað 1134 greinar á heimasíðuni. Havi altíð lagt áherðslu á, at greinarnar vera skrivaðar á góðum føroyskum máli, sum einferð tilber, og førleikin røkkur. Greinin skal vera borðbar, tað vil siga, at fólk, sum eg geri samrøður við, kunnu síggja greinina, áðrenn hon fer á heimasíðuna. Tað skal alt vera rætt, sum eg skrivi, sjálvt um tú í ítróttagreinum spáar um úrslit og annað í komandi dystum. Hósdagin tók eg grein av aftur heimasíðuna, tí kvinna er ørg um, at eg skrivaði greinina uttan fyrst at tosa við hana. Hon nertur her við mítt trúvirði í míni skriving. Orsøkin, at eg skrivaði greinina er henda: So kann lesarin meta um. Les meira…

Vangamyndin – Malvina keypti fyrsta neistaflaggið í 1952

Malvina beyð sær at gjalda flaggið, sum kostaði 125 krónur. (Mynd Vagnur) 

Tá ið Malvina á Dunga kom úr Hvalba til Havnar sum fimtan ára gomul genta, vildi hon rógva kapp ella spæla hondbólt. Hon valdi hondbóltsspælið og koma á standa í málinum hjá neistakvinnum í tólv ár. Tað var Malvina, sum tók stig at útvega Neistanum egið flagg. – Eg helt tað vera skomm, at Neistin einki egið flagg átti, og tí beyð eg mær at gjalda flaggið sjálv, sum varð keypt úr Danmark, sigur Malvina. Les meira…

Politiska hornið – Bárður Nielsen mennir ikki Sambandsflokkin

Eingin í stóru skrúðgonguni fer at velja Sambandsflokkin. (Mynd Vagnur)
Eingin í stóru skrúðgonguni fer at velja Sambandsflokkin. (Mynd Vagnur)

Havi altíð hildið lítið um politisku kósina í Sambandsflokkinum, tí flokkurin hevur bara eitt politiskt høvuðsmál, og tað er at varðveita sambandið við Danmark. Haldi, at serliga unga fólkið hevur fingið eyguni upp fyri flokkinum, sum so dyggiliga tapti seinasta løgtingsval eftir í átta ár at hava ligið í føvninginum á Fólkaflokkinum. Ikki rokni eg við, at flokkurin fer at mennast við Bárði Nielsen sum formanni, tí longu nú hevur hann víst sín veikleika. Les meira…

Landsliðsspælarin Lotte Grigel skrivaði danmarkarsøgu

Lotte misti ikki landsliðsplássið, tá hon gavst í Team Esbjerg.
Lotte misti ikki landsliðsplássið, tá hon gavst í Team Esbjerg.

Herfyri sá og hoyrdi eg áhugaverda samrøðu á donsku sjónvarpsrásini TV2 sport. Samrøða  við danska hondbóltsspælaran Lotte Grigel, sum síðani seks ára gomul hevur spælt í Team Esbjerg, og seinastu seks árini verið yrkisspælari við felagnum. Í dysti í Odense sá eg, at Lotte var “súr” og sat einsamøll á gólvinum uttanfyri vøllin. Um kvøldið hoyrdist, at Lotte eftir dystin var farin í skiftingarrúmið eftir klæðunum og til hús. Hon vildi ikki í bussin við hinum heim til Esbjerg. Hendingin er eindømi í donskum yrkishondbólti, tí hetta er fyrstu ferð, at yrkisspælari er farin heim soleiðis og ikki vil spæla á liði, so leingi – í hesum førinum – Lars Frederiksen er venjari. Les meira…

Nógv góð ungdómsminni í Doktar Jakobsensgøtu

Myndin tikin einaferð í 1930-árunum. Nærmast høgrumegin Skálabúðin og síðani húsini hjá Bena Wardum.
Myndin tikin einaferð í 1930-árunum. Nærmast høgrumegin Skálabúðin og síðani húsini hjá Bena Wardum.

Við sorgblídni at síggja gomlu myndina av Doktar Jakobsensgøtu. Bilarnir siga frá, at myndin er tikin einaferð í 1930-árunum. Serliga venda eyguni ímóti húsunum næst til høgru omaneftir. Hetta eru húsini hjá Bena og Katrinu Wardum, sum tey bæði yvirtóku í 1956, eftir at hava búð við Landavegin hinumegin ánna við Vesturkirkjuna. Bena og Katrina áttu tveir dreingir, elst Virgar, sum um tjúgu ára aldur flutti til Íslands, og yngri sonurin Bergur Wardum, sum andaðist herfyri. Familjan var nærmasti granni hjá okkum við Landavegin, til tey fluttu heim í Dr. Jacobsensgøtu. Vit ungu komu mangan í heimið hjá Bena og Katrinu. Og minnini eru góð. Les meira…

Úr myndasavninum – ÍSB skipaði fyri renning longu í 1981(e)

Fólk vóru ikki øll í renniklæðum, tey áttu kanska eingi

Hugburðurin at renna úti á gøtunum í Havn og aðrastaðni er ótrúliga nógv broyttur, síðan vit spældu hondbólt í bestu deildini uttandura seinast í 60 árunum. Tú sást ikki vaksið fólk renna í gøtunum, tí hetta hildu fólk ikki nógv um. Spælarar dámdu tí ikki at renna í býnum, men fóru heldur niðan eftir Villingadalsvegnum. Runnu vit oman í býin, floytaðu bilar eftir okkum. Ja, ranst tú í stuttum buksum, fekst tú viðmerkingar frá onkrum, um tú kanska var av “hinum slagnum”. Les meira…