Monthly Archives: november 2014

Stigatalvan broyttist lítið og einki í bestu hondbóltsdeildum

Skrivað tann • 0 Viðmerking
Anna Brimnes, Kyndil skeyt níggju mál í Vestmanna. (Mynd Álvur)
Anna Brimnes, Kyndil skeyt níggju mál í Vestmanna. (Mynd Álvur)

Seinnapartin sat eg og fylgdi við á hondbóltskjaki, hvussu gekst í dystunum í Vestmanna, Havn og Hoyvík. Stóru orkuna hesuferð hevði eg at finna dómaraseðilin í dystinum millum Neistan og VB kvinnur. Høllin á Hálsi boðaði frá, at onkur var farin við dómaraseðlinum. At enda fekk eg málskjúttararnar frá einum venjara. í samanteljingin vanta bæði Neistin og VB eitt mál, so arbeiðið er ikki nóg væl frágingið við dómaraborðið. Mansdystirnir báðir vóru javnir mest sum allan dystin, meðan serliga kvinnudysturin millum VÍF og Kyndil fekk løgna vend miðskeiðis í seinna hálvleiki. Les meira…

Nýggja havnarlagið má ikki fara norður/eystur um grótkastið

Skrivað tann • 0 Viðmerking
Nýggja havnarlagið eigur ikki at fara norður um grótkastið. (Mynd Vagnur)
Nýggja havnarlagið eigur ikki at fara norður um grótkastið. (Mynd Vagnur)

Skalt tú gera tær eina meining um nýggja havnarlagið, sum Tórshavnar kommuna ætlar at byggja, so er ikki nógmikið at síggja tekningarnar í fjølmiðlunum. Tú mást fara tær út á Skansa, hyggja suður í hav og síggja alt virksemið á Eystaru bryggju. Júst tað, eg gjørdi í morgun. Ikki eri eg dagligur gestur á Skansanum, men tað gingu ikki nógvir minuttir, tá eg gjørdi mær niðurstøðuna um nýggja havnarlagið, sum ætlanin er at byggja fyri 360 milliónir krónur. Nýggja havnarlagið má ikki fara norður um grótkastið. Les meira…

Úr myndasavninum – Myndin av Gundadali tikin eftir 1964

Skrivað tann • 0 Viðmerking
Myndin er tikin eftir 1964. (Mynd Birgar)
Myndin er tikin eftir 1964. (Mynd Birgar Johannessen)

Frálíka myndina omanfyri, sum Birgar Johannessen hevur lagt út á Facebook, kunnu vit skriva nógvar reglur um. Myndin er tikin eftir 1964, tí nýggja Neistahúsið við uttandura hondbóltsvøllin varð tikið í nýtslu á sumri 1964. Vit síggja Mjørkadalsbarakkina, sum B36 keypti úr Mjørkadali, og sum varð bygd afturat B36 húsinum. Svørtu barakkirnar í Mjørkadali, sum arbeiðsmenninir búðu í, tá ið tey bygdu radarstøðina, vóru tiknar niður í 1963. Les meira…

Stigatalvan boðar frá serligum lagnudystum sunnudagin

Skrivað tann • 0 Viðmerking
Spennandi, hvussu spælir av í Vestmanna millum VÍF og Kyndil. (Mynd Álvur)
Spennandi, hvussu spælir av í Vestmanna millum VÍF og Kyndil. (Mynd Álvur)

Vit spæla nú seinastu hondbóltsdystirnar í øðrum umfari av fýra í grundspælinum. Nú telja allir dystir ómetaliga nógv, tí skjótt er, at ketan leypur av hjá summum liðum, so tey næstan ikki longur eru við í toppstríðnum um at koma í FM-finalurnar. Javnt er millum fýra lið í kvinnukappingini, meðan mansliðini hjá VÍF og Kyndli liggja væl fyri í løtuni. Sunnudagin eru serliga fýra ómetaliga spennandi dystir. Tveir í kvinnudeildini og tveir í mansdeildini. Les meira…

Hevur nakar hugsað um kappróðurin í útbygda havnarlagnum

Skrivað tann • 0 Viðmerking
hghhg
Havnarlagið gerst fjall av hundrað tals bingjum. Eg vónaði, at vit fingu nýggjan 1000 metrar róðrartein, men so er ikki.

Tá eg sá tekningina av nýggja havnarlagnum í Havn, leitaði eg fyrst á tekningini, um tey “kønu” hava hugsað um kappróðurin. Vit, sum eldru eru, minnast, tá róð varð inn í Vágsbotn. Men longdir molar gjørdu, at kappróðurin fyrst í 1970-árunum misti 2000 metrar teinin og noyddist at taka til takkar við 901,25 metrar teini frá Argjahøvda og fram við Molanum. Les meira…

Stuðlafelagið Neistin kundi havt mist allan peningin í EIK

Skrivað tann • 0 Viðmerking
Skanddala, um vit gjørdu, sum EIK fólkini ætlaðu, at vit skuldu gera. (Mynd Vagnur)
Skandala, um vit gjørdu, sum EIK fólkini ætlaðu, at vit skuldu gera. (Mynd Vagnur)

Vit hoyra framvegis í fjølmiðlunum um EIK, sum á sinni fór á húsagang. Nógv fólk mistu stórar upphæddir, og fleiri sakarmál komu á kjalavørrinum á skrædlinum í EIK. Sjálvur havi eg ongantíð átt eitt partabræv og havi ikki havt áhuga í slíkum. Men fyri nøkrum árum síðani vóru Djóni Dalsgarð og eg báðir nevndarlimir í Stuðlafelagnum Neistanum inni á gólvinum hjá EIK Yviri við Strond. Ørindini vóru at fáa at vita, hvat vit kundu fáa í rentu fyri stóru upphæddirnar, stuðlafelagið átti. Talan var um fleiri milliónir krónur.  Les meira…

Borgarstjórin skuldi heldur havt útvegað sær grundøkið

Skrivað tann • 0 Viðmerking
Her skulu borgarstjórin húsast við útsýni yvir alla Havnina. (Vagnur)
Her skuldi borgarstjórin húsast við útsýni yvir alla Havnina. (Vagnur)

Tá ið eg í góðveðrinum í morgun stóð uppi á Oyggjarvegnum og sá Havnina frá síni allar bestu síðu, hugsaði eg, tá eg sá nýggja BankNordik húsið, at í hesum snotuliga bygningi skuldi borgarstjórin í Havn húsast heldur enn nakrir bankastjórar. Nýggi bygningurin hjá BankNordik tekur seg væl út og kemur veruliga til sín rætt í umhvørvinum. Ikki ein av hesum stóru betongkassunum, sum misprýða nógvastaðni í býnum. Alt týður uppá, at nógv glas verður í bygninginum. . Les meira…

Jacob Jónsson tikið á seg serliga venjarauppgávu í Søljuni

Skrivað tann • 0 Viðmerking
Jacob Jónsson roynt mangt á hondbóltsvølli bæði sum spælari og venjari.
Jacob Jónsson roynt mangt á hondbóltsvølli bæði sum spælari og venjari.

Jacob er kent hondbóltsnavn í Føroyum, og hevur hann, síðani hann kom til Føroya á ólavsøku 1998, vunnið meistaraheitið í bestu deildini bæði sum venjari og spælari. Jacob hevur altíð strembað eftir at spæla um heiðursmerki, men nú er hann farin at venja kvinnurnar hjá Søljuni, sum higartil hava tapt allar dystirnar við nógvum málum. Eg hava spurt Jacob, hví hann hevur valt júst hesa venjarauppgávuna? Les meira…

Mladen Mjerimacka er nógv tann besti málverjin í landinum

Skrivað tann • 0 Viðmerking
jkjkjk
Mladen hevur staðið avbera væl í kyndilsmálinum. Klárt besti málverji siga spælarar, eg havi tosað við. (Mynd Álvur)

Kyndilsmenn mugu sigast at vera á beinari kós í FM-finalurnar saman við VÍF. Kyndilsliðið er áhugavert at fylgja, tí liðið skjýtur ikki tey nógvu málini, men liðið vinnur dystir, tí verjan er góð, og í kyndilsmálinum stendur Føroya besti málverji. Eg tosaði við ein av kyndisvenjaranum, og hann segði mær, at tað var ivasamt, um Mladen kom til Føroya hetta kappingarárið. Sjálvt um vit bert eru í øðrum umfari av fýra í grundspælinum, so talar alt fyri, at VÍF og Kyndil spæla FM-finalurnar í vár. Les meira…

Meiningahornið – Nú eisini ein “Listakassa” í Gundadali

Skrivað tann • 0 Viðmerking
kjkjkj
Ikki riggar Listakassin bygdur aftrat smáu núverandi húsum.

Vit kunnu øll vera samd um, at byggilistin hevur ikki verið í hásæti, síðani vit sum ung fyrstu ferð í 1960-árunum komu í tá vakra Gundadal við hugnaligari og vakrari á og einum fótbóltsvølli. Tórsvøllur og aðrir bygningar er bygdir so hvørt tørvurin er komin undan kavi, ein heildarætlan um Gundadal er ikki at hóma nakrastaðni, og Gundadalur er í dag ikki nakað prýði. Les meira…