Monthly Archives: februar 2014

Meiningahornið – Sjálvandi skal Hestur við í tunnilsætlanina

hiiuiuiuiu
Sjálvandi skal Hestur vera við í tunnilsætlanini.

Tingið kjakast í løtuni um stóru tunnilsætlanina, og eg hoyrdi í útvarpinum, at tingfólk vóru bæði fyri og ímóti, at oyggin Hestur skal við í tunnilsætlanina. Hoyrdi eg rætt, kemur tunnilin í Sandoynna at dýrka 50/60 millónir, um Hestur er við í ætlanini. Eg taki fult undir við støðuni hjá Útoyggjafelagnum, at Hestur sjálvandi skal vera partur av ætlanini. “Nú hava vit møguleikan, vit fáa ongantíð møguleikan aftur at binda Hest í miðøkið”, sigur Útoyggjafelagið. Og rætt hava tey. Les meira…

Úr myndasavninum – Enn einaferð fann eg søguliga neistamynd

Neistagentur 1963 á Eiði: Standi frá vinstu: Emmely Mikkelsen, Turid Hansen, Rannvá H. Jensen og Hildigunn Weihe. Húkandi f.v: Turið Debes Hentze, Helena Mortensen og Margit Hjalmarsdóttir Hansen.
Neistagentur á Eiði í 1963: Standandi frá vinstru: Emmely Mikkelsen, Turid Hansen, Rannvá H. Jensen og Hildigunn Weihe. Húkandi f.v: Turið Debes Hentze, Helena Mortensen og Margit Hjalmarsdóttir.

Myndin omanfyri er søgulig, tí hetta er fyrsta mynd tikin av gentuliði hjá  Neistanum. Gentur og dreingir byrjaðu at spæla landskapping í 1963, áðrenn var bara kapping fyri 1. deild og 2. deild menn og kvinnur. Lið hjá Neistanum vóru á Eiði 7. juli 1963 og spældu vinardystir á Mølini ímóti EB. Siglt varð við postbátinum úr Vágsbotni til Oyrar, og liðini vóru koyrd víðari við bili til Eiðis. EB hevði tá lið bæði í mansdeildini og kvinnudeildini, men miðskeiðis í 1970 árunum bleiv hondbóltsspælið eitt innanduraspæl, og tá mátti EB við tíðini leggja kongin. Nú er so komin snotulig høll á Eiði. Les meira…

Toni Dam er vónsvikin av formanninum í Róðrarsambandinum

Toni er bersøgin í greinini. (Mynd Vagnur)
Toni er bersøgin í greinini. (Mynd Vagnur)

Formaðurin í Róðrarsambandinum Jan Herman Hansen boðaði herfyri frá, RSF ikki longur fer at senda rógvarar til Boston. Toni Dam, sum róði í Boston er ógvuliga vónsvikin av formanninum og sigur soleiðis:

– Orðini frá RSF formanninum Jan Hermani lósu vit á www.in.fo á sjálvum kappinardegnum í Boston, har hann sigur, at RSF sendir ikki rógvarar aftur til Boston. Hetta er ússalig framferð og vánaligt av formanninum.

– Tveir nevndarlimir í RSF vóru við á ferðini í Boston, og teir vistu av ongum. Málið um luttøku næsta ár hevur slett ikki verið fyri á fundi á Róðrarsambandinum, sigur Toni og heldur fram. Les meira…

Upplivilsi fyri lívið at rógva inniróður í Boston, sigur Toni Dam

Stórt upplivilsi at síggja, hvussu væl slíkt stór kapping er fyriskipað.
Stórt upplivilsi at síggja, hvussu væl slík stór kapping er fyriskipað.

Føroysku rógvararnir eru heimafturkomnir frá ferðini í inniróðri í Boston í USA. Av teimum 2100 rógvarunum í kappingini vóru fimm úr Føroyum. Ferðin var væl fyrireikað av RSF, har alt gekk eftir ánni, og tað skal RSF hava rós fyri. Eg havi prátað við Toni um ferðina í Boston. Les meira…

Einki broyttist frammi í oddinum. VÍF og KÍF vunnu sínar dystir

KÍF áskoðarar kunnu gleða seg til FM-finalurnar í apríl mánað.
KÍF áskoðarar kunnu gleða seg til FM-finalurnar í apríl mánað.

Støðan í bestu mansdeild broyttist bara soleiðis um vikuskiftið, at Kyndil vann á H71, sum má metast at vera endaliga dragna í FM-stríðnum. Í dag spældu VÍF og Team Klaksvík í Vestmanna og Neistin og KÍF í Havn. Men fyrst til dystin í Vestmanna, sum VÍF vann 34-26. Fyrri hálvleikur var javnur, og tá ið vit fóru um miðjan hálvleik, var Team Klaksvík á odda 9-7. Tíggju minuttir seinni var javnleikur 10-10. Tað var ikki fyrr enn seinast í fyrra hálvleiki, at VÌF legði seg á odda fyrst 12-11 og seinni 14-12. Les meira…

Leygarmorgunin hitti eg djarva kajakk-kvinnu í Álakeri

Eg haldi, at tað er djarvt av Ásu  at rógva einsamøll út á Glyvursnes. (Mynd Vagnur)
Eg haldi, at tað er djarvt av Ásu at rógva einsamøll út á Glyvursnes. (Mynd Vagnur)

Í sólskininum leygarmorgunin eftir venjing í rógvimaskinum stóð eg uttanfyri neystið í Álakeri og hugdi suður í Nólsoyarfjørð. Síggi eina kajakk koma har suðuri fram við Argjalandi. Við Argjahøvda róði kajakkin í vestanlotinum móti Sandagerðsnesi og helt leiðina inn í Álaker. Eg hugsaði, at hetta mátti vera ein av teimum stinnu, royndu kajakkrógvarunum, sum einsamallur fer so langt í kajakkini. Tá ið kajakkin kemur nærri, síggi eg, at ein kvinna situr í kajakkini. Eg hjálpi henni at fáa kajakkina upp á turt, og eg fái eitt prát við fyrikomandi kvinnuna. Les meira…

H71 hevur nú tapt slagið um at náa FM-finalupláss

Kyndil er í skrivandi løtu fimm stig eftir VÍF. (Mynd Álvur)
Kyndil er í skrivandi løtu fimm stig eftir VÍF. (Mynd Álvur)

H71 má sigast at hava spælt sær av við møguleikan á náa FM-finalupláss eftir ósigurin seinnapartin fyri Kyndli. Kyndil vann dystin 27-25. Javnt gekk á fyrstu tíggju minuttirnar, tí tá var javnleikur 7-7. Næstu tíggju minuttirnar smoygdi Kyndil sær fram um 14-11. Hálvleikstøðan 16-14 til Kyndil. Í seinna hálvleiki fekk H71 góða byrjan og minkaði um munin 21-20 til Kyndil. Tjúgu minuttir eru spældir av seinna hálvleiki, og Kyndil á odda 24-21, men løtu seinni var knappliga javnleikur 24-24. Les meira…

Úr myndasavninum – Kappingarskrá fyri 50 árum síðani

Liðini spældi fáar dystir fyri 50 árum síðani.
Liðini spældu fáar dystir fyri 50 árum síðani.

Til stuttleika havi eg funnið fram eina kappingarskrá frá 1964, tað vil siga fyri 50 árum síðani. Tá var hondbóltur summarítróttagrein, og dystirnir vóru spældir á grúsvølli uttandura. Sum tit síggja í skránni, spældu kvinnurnar í bestu deildini tvær ferðir tjúgu minuttir. Liðini spældu í bólkum, og síðani spældu tey hálvfinalu og finalu. Heilt fáir dystir vóru spældir hesi árini.   Les meira…

Kyndil og H71 dragna í stríðnum um seinna FM-finaluplássið

VÌF hevur fótað sær aftur og vann sær týdningarmikil stig í Hoyvíkshøllini.
VÌF hevur fótað sær aftur og vann sær týdningarmikil stig í Hoyvíkshøllini.

VÍF vann týdningarmiklan 27-23 sigur á H71 mikukvøldið, og StÍF vann á KÍF 30-29 á Skála. Tá ið so Kyndil tapti týskvøldið fyri Neistanum, stendur væl til hjá VÍF. StÍF er framvegis við og blæsir VÍF í nakkan. Ómetaliga spennandi at fylgja bestu mansdeild, tí einki er avgjørt, hvat lið fer við seinna FM-finaluplássinum. KÍF fer við tí eina finaluplássinum, og VÍF liggur í løtuni best fyri at fáa seinna plássið. Longu leygardagin fáa vit at vita, um Kyndil ella H71 mugu leggja kongin, tí tá spæla liðini í høllini á Hálsi. Les meira…