Monthly Archives: januar 2013

Meiningahornið – Óvanlig grein í Sosialinum um mvg-skuld

Taks skal sjálvandi fáa amboðini at steðga stóru mvg-skuldini. (Mynd Vagnur)
TAKS skal sjálvandi fáa amboðini frá politikkarunum til tess at fáa inn alla mvg skuld.. (Mynd Vagnur)

Í Sosialinum mikudagin 30. januar er óvanlig grein um fyritøkur, sum skylda landskassanum stórar upphæddir í mvg gjaldi. Havi ikki sæð slíka grein áður. Yvirskriftin er: Her missir landskassin 100 milliónir krónur. Í greinini eru nøvn á partafeløgum aftur til 2005, sum skylda TAKS stórar mvg upphæddir, men TAKS sigur í greinini, at mvg peningurin er mest sum allur mistur, tí hesi partafeløg eru farin á húsagang. Eisini eru í greinini myndir av persónum, sum varða av størstu partafeløgunum, sum skylda TAKS og harvið landinum stórar mvg upphæddir. Og mín sann er eisini mynd av okkara løgmanni, tí hann varðaði av partafeløgum, sum skylda landinum mvg pening. Tá ið eg lesi áhugaverda tilfarið um tær 100 milliónirnar, sum hesar fyritøkur skylda landinum í mvg-gjaldi, so sveima sjálvandi tankarnir. Les meira…

Hondbóltssambandið heitir á feløgini um at virða dómararnar

HSF má vera meira opið í viðgerini av føroyskari døming. (Mynd Vagnur)
HSF má vera meira opið í viðgerðini av føroyskari døming. (Mynd Vagnur)

Í skrivi á heimasíðuni hjá Hondbóltssambandinum biðir HSF í tíðindaskrivi feløgini um halda uppat á teirra heimasíðum at leggja eftir dómarum við einvísari niðurgering og útspilling. www.hvannrok.fo hevur ikki fingið tíðindaskrivið óivað tí, at www.hvannrok.fo skrivar ikki um avrik hjá dómarum. Eg skrivi ikki um sjálv avrikini á vøllinum, men havi tó á heimasíðuni fleiri ferðir víst á “slagsíðuna” í føroyskari døming, har alt ov lítil uttanveltað døming valdar. Les meira…

Donsku spælararnir vóru sálarliga illa fyri frá byrjan

Ulrik møtti ikki til tíðindafundin eftir dystin. (Mynd Ekstra Blaðið)
Ulrik møtti ikki til tíðindafundin eftir dystin. (Mynd Ekstra Blaðið)

Tað hevur verið ótrúliga áhugavert at fylgt HM-kappingini í hondbólti, og serliga dámar mær væl at fylgja við viðmerkingum fyri dystirnar og eftir dystirnar. Eg hevði ikki góðar kenslur fyri HM-finaluna, at Danmark fóru at vinna finaluna ímóti spania, tí bæði donsku fjølmiðlarnir, venjararnir og donsku spælararnir reypaðu alt ov nógv fyri finaludystin. Tað sýntist allastaðni, at Danmark hevði vunnið dystin, áðrenn hann var spældur. Tú kanst lesa nógv um sálarligu støðuna hjá spælarum, tá ið teir koma á vøllin. Longu eftir at fimm minuttir spæl sást týðuliga, at fleiri danskir spælarar ikki vóru í sálarligari javnvág til stóru uppgávuna ímóti Spania. Les meira…

Neistin-VB 33-24 (16-13) Lættur neistasigur

Jacklin spældi ótrúliga væl ímóti VB. (Mynd Álvur)
Jacklin spældi ótrúliga væl ímóti VB. (Mynd Álvur)

VB var uppi í “hondbóltshimmalinum” í steypadystinum ímóti Stjørnuni, men seinnapartin var ikki so nógv um kvinnurnar úr Vági. Neistin vann greiðan sigur, sjálvt um neistavenjararnir summa løtur høvdu mest sum alla stammuna á beinkinum.

Vit sóu eitt tamt VB lið. Tó so, dysturin var hampuliga javnur fyrstu tíggju minuttirnar, tá støðan var 7-4 til Neistan. Men Neistin dró meira frá, og eftir tjúgu minuttir hevði Neistin 14-9 leiðslu, og hálvleikstøðan var 16-13 til Neistan.

VB heldur tørn fyrstu minuttirnar í seinna hálvleiki, men so dregur Neistin veruliga frá. Tíggju minuttir spældir 22-17 til Neistan, tjúgu minuttir spældir 29-20, og løtu seinna 32-20. Les meira…

Rós til Rás 2 – KÍF, StÍF, Neistin og VB í steypafinaluni

Rós til Rás 2 fyri dygdar frásagnararbeiði. (Mynd Álvur)
Rós til Rás 2 fyri dygdar frásagnaravrik.

Eg havi ikki fylgt steypakappingini á heimasíðuni, tí tað gjørdist ov nógv bæði at fylgja landskappingini og steypakappingini. Tó havi eg sjálvur fylgt steypakappingini millum annað á Rás 2, har Rás 2 við frálíku frásagnum hevur lyft steypakappingina upp á eina hægri hill. Alt, meðan Kringvarpið liggur í dvala. Seinnapartin hendi so tað ótrúliga, at VB í óvanligum endaspurti spældi seg í steypafinaluna.

Stjørnan vann fyrra dystin í Klaksvík 25-20, og VB vann dystin í Vági 24-19. Liðini eru jøvn í stigum og málum, men VB skjýtur eitt útimál meira enn Stjørnan, tí er VB í steypafinaluni. Ótrúligt. VB hevur átta ferðir verið í steypafinaluna síðani í 1985, og VB vinnur tvær av teimum átta finalunum. Í 1993 vann VB 21-13 á Stjørnuni, og í 2003 vann VB 19-18 á VÍF. Les meira…

Álvur Haraldsen tekur frálíkar hondbóltsmyndir

Hetta er mynd, sum sigur nakað. Plettskot frá Álvi Haraldsen.
Hetta er mynd, sum sigur nakað. Plettskot frá Álvi Haraldsen.

Myndir og ítróttur hoyra saman, tí hevur tú ikki ítróttamyndir, so er vónleyst at skriva um ítrótt. At taka góðar myndir er í míni verð list, og tað eru fólk, sum eru betri til hesa list enn onnur. Í ein mansaldur havi eg tikið nógvar ítróttamyndir í sambandi við ítróttaskrivingina. At taka góðar myndir er eins og at fara á flot. Tú veitst ongantíð, hvussu úrslitið verður, og um tú júst í dag tekur “myndina”. Álvur Haraldsen er frálíkur myndamaður, og vit onnur hava frá honum fingið loyvi at fáa gleði av myndunum, sum eru almennar og tiknar í almennum høpi. Talan er ikki um paparazzimyndir. Les meira…

Ítróttahallirnar kring landið lúka ikki altjóða treytirnar

Høllin við Landavegin skulu lúka øll altjóða mát.
Høllin við Landavegin skulu lúka øll altjóða mát.

Eg sá á Facebook kollfirðing vera ónøgdan við atburðin hjá H71 áskoðarum undir steypadystinum millum H71 og KÍF í Hoyvíkshøllini týskvøldið. “Ungu H71 áskoðararnir liggja fram við strikuni og rópa ókvæmisorð eftir dómarunum. Hesin óskikkur má halda uppat”, sigur kollfirðingurin. Kom beinanvegin at hugsa um, tá ið vit fyrireikaðu byggingina av høllini við Landavegin, sum tí verri ikki verður bygd av neistafólki. Hallarbólkurin legði stóran dent á, at nýggja høllin skuldi lúka altjóða krøv. Og hvat merkir altjóða krøv? Les meira…

Jan Ottosen venur nú samansetta liðið VÍF/Tjaldur

Soran venur ikki longur VÍF/Tjaldur.
Soran venur ikki longur VÍF/Tjaldur.

Við kappingarbyrjan vandi Jan Ottosen mansliðið hjá VÍF og samansetta kvinnuliðið VÍF/Tjaldur. Men fyrst gavst Jan Ottosen av venja kvinnurnar, tí hin venjarin Zoran og Jan vóru ikki samdir um venjarauppleggið. Leiðslurnar í Tjaldri og VÍF vóru so samdar um, at Jan vandi menninar hjá VÍF og Zoran samansetta kvinnuliðið. Men síðani er Jan uppsagdur sum mansvenjari í Vestmanna, og Henrik Gerster venur nú VÍF menninar. Les meira…

Kyndil-StÍF 27-17(12-9) H71-KÍF 27-25(12-15) Kyndil og H71 halda tørn í FM-stríðnum

Kyndil er heldur tørn í FM-stríðnum
Kyndil heldur tørn í FM-stríðnum

Kyndil spældi seinnapartin ein av bestu dystunum í hesum kappingarárinum, tá ið liðið vann trygt á StÍF. Finnur Hansson er spælandi venjari hjá Kyndli saman við Bárði Johannessen. Eftir dystin hitti eg Finn og spurdi hann, hvussu hann metir møguleikarnar hjá Kyndli at koma í FM-finalurinar?- Sjálvandi eru møguleikarnir til staðar, men tað er einki dulsmál, at kyndilsliðið hevur verið óstøðugt í vetur, liðið hevur spælt nakrar góðar dystir, og so spælt fleiri minni góðar dystir. Í dag hildu spælarar avtalurnar, og hvør spælari stríddist fyri sakini og høvdu góðan hugburð. Les meira…

Kyndil-StÍF 18-18(11-9) Tíðin er farin, og StÍF misnýtir brotskast Stjørnan-VB 23-23(10-14)

Palma Høgnesen
Paula Høgnesen skeyt átta mál, men tað vantaði eitt mál at vinna dystin

Kvinnuliðini hjá Kyndli og StÍF spældu seinnapartin, og Eikur Magnussen sá dystin. – Dysturin var javnur og tamur við fáum málum, og bæði liðini kundu vunnið dystin. Stórskjúttin hjá StÍF Rebekka Justinussen sat uttanfyri mest sum allan dystin óivað við skaða, og Jórun Ludvig hjá Kyndli spældi ikki. Hæddarpunktið í dystinum var óivað, at StÍF misbrúkt brotskast eftir at tíðin var farin. Bólturin varð skotin við síðuna av málinum. Les meira…